[أ/ هاني خلف]

أنا نفسي الوزير يقول للناس أرقام مش نسب في المية زي اللي بيسرح بيها علي الخلق. زي 100% و 90% و75% والحاجات العسل دي. يقولنا اللي صافي مرتبه 400 بالكادر هيزيد 75% من الأساسي يعني هيبقي 450 جنيه بالكادر مثلاً. ويجيب معاه جدول بالمرتبات وهو جاي المؤتمر الصحفي ويوزعه علي مندوبي الإعلام. عشان الناس تفهم صح. لكن عمره ما يعملها وهيفضل يشتغل شغل النصب بتاع النسب في الميه دي. المفروض حتي المعلمين في مطالباتهم يلغوا موضوع النسب ده ويطالبوا بالأرقام. يعني مثلاً نطالب بالحد الأدني 1200 جنيه للدرجة السادسة بدلاً عن المطالبة بـ 200% وكما رأينا فقد فتحت المجال للتلاعب والمماطلة.