[aleman]

من وجهة نظرى:
دفتر التحضير مهم وغير مهم
بمعنى
كثير من المدرسين بدونه قد يشرحوا للتلاميذ باستهتار
يجرى بالمنهج ويخلصه فى مدة قصيرة عشان التلاميذ تقعد فى بيوتها او تتفرغ للدروس الخاصة
ومن غير دفتر التحضير المعلم مع كثرت حصصه بفصول مختلفة هيتلخبط وهيضطر كل مايدخل فصل يسأل التلاميذ احنا اخذنا ايه الحصة اللى فاتت؟ ووصلنا لصفحة كام؟ وده هيهز صورته امام الطلبة
واشياء اخرى كثيرة لايتسع المجال هنا لذكرها منعا للاطالة
اما وجود دفتر التحضير مفيد لعكس هذا الكلام كله
يعنى يكفى نظرة واحدة فى احدى صفحاته ليعرف المعلم هو وصل لفين بالظبط مع الفصل ده
وزى ماحضرتك ماذكرت هو فعلا بيحدد للمعلم اتجاهه واهدافه والمفروض انه فعلا بيقسم وقت الحصة
وده اللى احنا كمعلمين لانعمله بنكتبه على الورق فقط
كمان كثير من المعلمين بياخد دفتر المعلم اللى سبقه وينقش منه تحضيره (ولا اقول ان ده صح بس فعلا فيه مدرسين بيستسهلوا)

الغلط بقى فى اهتمام اى متابع او موجهه به زيادة عن اللزوم
يعنى المتابع اول مايدخل يبص على التاريخين العربى والهجرى والماده وسط السبورة والعنوان والدفتر تاريخ الصفحة اللى فاتحها المعلم هل تاريخه تاريخ اليوم ام لا وهل مطابق للسبورة ام لا
فقط لاغير
ده فعلا اللى يضايق
ولو مثلا المعلم نسى التاريخ سهوا تبقى مصيبة ويبقى شغله كأن لم يكن كأنه مش محضر حاجة خالص ويتهم بالتقصير والاهمال مع ان معلم اخر ممكن يكون كاتب درس اى كلام بس تواريخه صح يبقى تمام
لدرجة والله من كتر الحصص المعلم بيجى من البيت كاتب تاريخ بكره

مشكور اخى الفاضل لطرح الموضوع