اقتباس:
المشاركة الأصلية كتبت بواسطة rehab rehab
المواد الاساسية زى الفيزيا و الرياضة مثلا لازم يتزاكروا اول باول لان صعب يتلموا
المواد الانسانية و الصغيرة زى اللغة و حاسبات اعدادى و الاثر البيئى ممكن تتاجل
و دى مش قاعدة لازم يتمشى عليها
ممكن مادة تافهة بس الدكتور مديها اهمية و كل شوية امتحان او تسليم فلازم تتزاكر و تاخد وقت طول الترم
و ممكن مادة كبيرة بس منهجها صغير او سهل فتتزاكر 3 او 4 مرات طول الترم
المهم الواحد ميكونش تايه
مينفعش مادة تتساب و انا مش عارفة ايه اللى اتاخد ولا ايه المنهج
لكن اكون عارفة ان اللى اتاخد قليل و يتلم فممكن ااجلها اسبوع كمان او اتنين مش مشكلة
و الميدترم بيبين مستوى الواحد و اذا كان ماشى صح ولا غلط لو حد حل كويس فى الميد يبقى ماشى كويس و يكمل على كدا و لو حد زاكر و دخل محلش يبقى فيه مشكلة فى طريقة مزاكرته لازم يصلحها
لان مفيش rules معينة اللى يمشى عليها هيجيب امتياز ,كل واحد حسب شخصيته و طريقة تفكيره و طريقة فهمه
|
الله يبارك فيكي ياباش مهندسه شكرا جزيلا .