اقتباس:
المشاركة الأصلية كتبت بواسطة أرق ملاك
السلام عليكم و رحمة الله و بركاته
وعليكم السلام و رحمة الله و بركاتة
بصو يا جماعة انا بجد مش عارفة اكتب ايه بس انا بجد مدمرة نفسيا ..............مش عارفة الناس مالها يمكن انا الغلط فيا بس بجد انا تقريبا دلوقتى بقيت خايفة من الناس خايفة اتعامل معاهم دايما مش بيراعو شعورى دايما بيبقو قاسيين دايما بيجرحو ..........مش عارفة هما اللى وحشين و لا انا اللى وحشة
انتى مسوداها اوى ليه كدة الدنيا مش كدة خالص لا انتى وحشة ولا الناس وحشين بس الناس الوحشين فى الدنيا كتروا اوى و اللى يخاف ميطلعش من بيتهم و لو خوفنا من كل حاجة مش هنتقدم خطوة واحدة فى حياتنا
المشكلة الكبيرة انى مش بعاملهم بمعاملتهم لانهم بيصعبو عليا ........مش عارفة ازاى بيصعبو عليا بس مش بقدر اعمل فيهم اللى هما عملوه فيا و لو فكرت انى اعمله بقعد اعيط و مش بعمله
" ادفع بالتى هى أحسن " صدق الله العظيم "و خالق الناس بخلق حسن " صدق الرسول الكريم و بالتالى عشان انتى كويسة من جواكى مش قادرة تعملى غير اللى اتعلمتيه من القرآن و السنة و بالتالى انتى كدة بتاخدى ثواب
بنات كتييييير جداااااااااااااااا كل ما اتعامل معاهم اكتشف بعد كده انهم بيخونونى و ارجع اقول مش كله زى بعض بس برده بتصدم تانى و تالت و رابع ............و كل مرة اقول مش هتعامل مع حد كفاية اانا بنسلم ع بعض من بعيد لبعيد من غير ما اقرب من حد عشان مش اتجرح .........بس برده بخاف اظلم حد يعنى بخاف تكون فى واحدة فعلا عايزة تبقى صديقة ليا بجد و انا ابعد عنها .........
ده بيرجع انك ملكيش حد تسأليه و تستشيريه فى أمورك زى أخ أو أم أو اب أو حتى قرابيك ناس ليها خبرة فى الحياة تنقلها ليكى و مرة فمرة انتى لوحدك حيكون عندك المقدرة انك تحكمى على الأشخاص و تحطى حدود لتعاملك معاهم
صديقتى الانتيم هى متدينة جدااااااااااا بس لما بيبقى عندى مشكلة مش بلاقيها جنبى .........فى افعال برده بتنرفزنى جدااااااااااااا و بتزعلنى جداااا جدااااااااا و قبل كده قعدنا شهر كامل مافيش كلام بينا غير السلام عليكم و بس عشان موقف و برده لازم بتكرره فكرت اسيبها بس خايفة اظلمها و صراحة مش عايزة اسيب واحدة متدينة لان انا عارفة ان صعب انى الاقى زيها
صعب ان تلاقى كل اللى انتى عاوزاه فى بنى ادمة واحدة و عشان كدة لازم يبقى عندك أصدقاء كتير و قبل كدة يكون عندك المقدرة أنك تختاريهم صح و المتدينات كتير و الحمد لله
مش عارفة بس بحس ان مافيش حد قادر يفهمنى مش هقول يفهم تفكيرى بس يفهم مشاعرى يفهم اللى بيضايقنى مش يعمله انا عارفة ان مافيش حد كامل بس مش للدرجة
لا مش للدرجة بس فيه مستويات فكرية و ده شى أساسى فى اختيار الصديق انه يكون فى نفس مستوى فكرى و شعورى عشان يقدر يقوم بأهم وظايف الصداقة و هى ان الصديق يحس بصديقه
بصو انا يمكن مش قادرة اوضح لكم انا حاسة بايه او ايه المشكلة بالضبط بس انا هسالكم سؤال و جاوبونى عليه
انا بخاف انعزل عن الناس عشان مش اسبب ضرر نفسى لحد عشان مش اخد ذنبهم
سؤالى بقى انا بجد دلوقتى تعبت نفسيا من الناس اللى حواليا بجد عايزة اخد هدنة مش اكلم حد مش اسمع حد خاصة اللى حواليا بس صعبانين عليا
اعمل ايه
|
بعد اللى انا قولته اللى انتى تعمليه أنك تدورى على الشخصية اللى تساعدك و تخفف عنك و تفهمك و تحاول ترجعلك الثقة أولا فى نفسك ثم فالاخرين حتى لو مش هتاخدى الشخصية دى كرفيق بعدين بس الاهم ان الشخصية دى تفهمك و تحس اللى جواكى و تحاول تفهمك الدنيا ماشية ازاى و بعد كدة هتلاقى نفسك مرتاحة اوى ....................
نسيت اقولك ان المرحلة دى مرحلة ناس كتير اوى مرت بيها و انا شفتها بعنيا و الحل اللى قولتهولك متجرب
ا