اقتباس:
المشاركة الأصلية كتبت بواسطة ArabianPDA
ربنا معاكي
مهو طبعاً توفيق ربنا ده اساسي بس الاوائل بجد مذاكره تقرف
يعني ايه مشوفش التلفيزيون خالص دي؟!
يعني ايه مقعدش ع النت حتي علي البوابه سيبك م الفيس؟!
نظام غريب
انا اعرف واحد يا بنتي صحيح جاب 99.8 بس كان مبينامش
شوفي يعني في في مره سهر 4ايام متواصله في شهر 3 يعني عذاب
ايه القرف ده يعني اصل الموضوع مش مستاهل والله والمتابعه مش محتاجه 19 ساعه في اليوم والهجص ده
الحفظ موهبه بس فيه ناس هبله بتحفظ الي ميتحفظشي (مسائل الرياضه-فيزيا-الادب بتاع العربي بالحرف.....)
وربنا يوفقك
عشان تطلع من اوائل الجمهوريه صدقني مش صعبه
بس عايزه مجهود يقرف
والنتيجه زيرو
بمعني هل انا لو كنت طلعت الاول كنت كسبت شئ؟
ولااااااا شئ غير لقاء ع الtv و10 آلاف ورحله لأروبا فقط!
ومقابل ده هخسر سنتين من عمري في تعب وقرف
انا من وجهه نظري شايفه تمن غالي لشئ تافه
وخصوصاً ان دخول كليه القمه مش صعب ومش محتاج مجهود
كبير لدرجه انه يمنعك تقعد ع النت ولا تشوف متشات وكده
ده رأيي
علي فكره مش كل الاوائل برضه
فيه ناس بتحت حت اسود ومبتجيبش حاجه خالص
وفيه ناس بتنام هابي دريمز وبترتب
بس بكلمك عن الشائع والمتعارف عليه
|
بس أنا بقى كنت لو قعدت على النت وقلت لنفسى هقعد ساعة واقوم وانظم وقتى فهقعد اليوم كله انا فى تالتة اعدادى كنت امسك كتاب الدراسات افتحه اقل من خمس دقايق اروح قفلاه وقاعدة نت لولا انهم شالوا النت فى اخر شهر ولحقت نفسى ماكنتش روحت ولا جيت
يعنى لو مشلتش النت فى الثانوية ان شاء الله كده هجيب حتى مجموع علوم
لكن انى أخد الحياة كلها مذاكرة مفيس خروج اعتكاف على الكتاب اقعد فى اوضتى مكلمش حد ما اتصش بحد الكلام ده مرفوض تماما لو ذاكرت ساعتين او تلاتة كويس لكن 14 ساعة و10 ساعات امال فى ايام الامتحانات اذاكر كام ؟ 22 ساعة هههههههه ولا 24