اقتباس:
المشاركة الأصلية كتبت بواسطة ArabianPDA
ربنا معاكي
مهو طبعاً توفيق ربنا ده اساسي بس الاوائل بجد مذاكره تقرف
يعني ايه مشوفش التلفيزيون خالص دي؟!
يعني ايه مقعدش ع النت حتي علي البوابه سيبك م الفيس؟!
نظام غريب
انا اعرف واحد يا بنتي صحيح جاب 99.8 بس كان مبينامش
شوفي يعني في في مره سهر 4ايام متواصله في شهر 3 يعني عذاب
ايه القرف ده يعني اصل الموضوع مش مستاهل والله والمتابعه مش محتاجه 19 ساعه في اليوم والهجص ده
الحفظ موهبه بس فيه ناس هبله بتحفظ الي ميتحفظشي (مسائل الرياضه-فيزيا-الادب بتاع العربي بالحرف.....)
وربنا يوفقك
عشان تطلع من اوائل الجمهوريه صدقني مش صعبه
بس عايزه مجهود يقرف
والنتيجه زيرو
بمعني هل انا لو كنت طلعت الاول كنت كسبت شئ؟
ولااااااا شئ غير لقاء ع الtv و10 آلاف ورحله لأروبا فقط!
ومقابل ده هخسر سنتين من عمري في تعب وقرف
انا من وجهه نظري شايفه تمن غالي لشئ تافه
وخصوصاً ان دخول كليه القمه مش صعب ومش محتاج مجهود
كبير لدرجه انه يمنعك تقعد ع النت ولا تشوف متشات وكده
ده رأيي
علي فكره مش كل الاوائل برضه
فيه ناس بتحت حت اسود ومبتجيبش حاجه خالص
وفيه ناس بتنام هابي دريمز وبترتب
بس بكلمك عن الشائع والمتعارف عليه
|
علي فكرة كلامك مش كله صح
انا واحد اعرفه خامس الجمهورية السنادي
كان عادي جدا بيذاكر كويس و كل حاجة
طب انا مثلا طالع تالته و جبت 204
و انا عمري ما اضطريت من اول السنة ازود عن 5 ساعات في اليوم حتي في شهر الامتحانات
ماعدا في ظروف معينة اضطريت ازود و مبتزيدش عن يومين في الشهر ابدا
و برضه انت عندك حق انا واحد اعرفه جايب 204 زيي
كان بيحفظ مسائل الرياضة
فده موجود و ده موجود
في اللي بيشغل دماغه و في اللي مقضيها حفظ