تهريج
بيقولوا أشرح بكفاءة
وأعامل الطلبه بحنيِة
إزاى وأنا جيبى يا كفاءة
دايما خالى من النقدية
اللى بيقول اصبر حبة
يدينى ألف جنيه من راتبه
ولاَ أكمن الباشا بياخد
تسعين ألف الحال أهو عاجبه
راتب الباشا يساوى رواتب
وأنا إيه باخد حتة راتب
ما يكمَلش لربع الشهر
ليه يا سعت البيه نتعاتب
يا وزير يللى إحنا اخترناك
دوقنا البهاريز ويَِاك
ولا انت عايز تتهنى
واحنا نموت م الدوخه سواك
مش عاوزينك حِل يا شيخ
خلتنا نحلم بفسيخ
احنا فى الولعة عايشين
وسيادتك أنتخ أنتيخ