اولا عاوز اقولك ان تجاره انجلش فعلا كليه لذيذه جدا و كتير بيتمنو يدخلوها
و ان شغلها تحفه و مرتباته خياليه مش هتصدق ان فى حد بياخد المبالغ دى
بس لازم تعرف انك علشان تشتغل فى بنك مثلا او شركه من الشركات المالتى ناشونال لازم تكزن مميز اوى لان فى كتير بيتخرجو من تجاره كل سنه و الشغل فى البنوك بيبقى محدود فلازم تكون مميز اوى
تكون مميز ازاى هقولك بقى : اولا يا سيدى عندك تدريب كل سنه حاول تنزل الاربع سنين
ثانيا تخلى اللغه عندك تمام اوى
ثالثا فى دوبلومات زى cma cpa cfa دول لو حضرت واحده فيهم بعد التخرج اضمن الشغل بتاعك براتب لا يقل عن 5-7 الاف كا بدايه بس
رابعا بقى فى كرسات كتير اوى لطلبة تجاره بس ما تفضلش تاخد اى كورسات و خلاص شوف انت عاوز تشتغل فى ايه و حاول تنمى نفسك فيه اوى ( يعنى لو بنوك يبقى مثلا حاول تاخد فكره عن الفليكس و ده البرنامج الى شغليين بيه فى كل البنوك ) و هكذا
و ربنا يوفقك بقى و تشتغل فى الـ hsbc و المرتبات هناك بدايه بس 4000
|