س : يعني إيه ريبورت و شيت وإيه الفرق بينهم ؟
الريبورت ده معناه مجموعة كبيرة من الأسئلة بتبقى حواللي 30 ولا 40 سؤال غير محلولين طبعا العدد بيختلف على حسب الماده
والريبورت بيبقى زي واجب طويل شوية بيطلبة الدكتور وبيبقى عادة من الشيت إللي هوا بيدهوللكوبيبقى حواللي 10 أسئلة كده ولا حاجة وتسلمه للمعيد غالبا
أما الهوم وورك بيبقى واجب صغير كده سؤال ولا إتنين بيطلبه المعيد
وعادة المعيد مبيطلبشي
س : المصاريف وكام وبتدفع أمتى ؟
المصاريف غالبا بتدور حول 300 جنية يعني تقريبا 325
وبتدفع في أول أو تاني إسبوع في الدراسة وبتدفع في الشيخ زايد
س:إيه الفرق بين المحاضرات والسكاشن وبين الدكتور والمعيد ؟المحاضرة بيديها دكتور وبيكون فيها شرح للموضوع إللي بيتاخد ومبيديش أسئلة كتيرة فيها يعني سؤال ولا إتنين بالكتيرة
أما المعيد فهوا مهندس (لسه محضرشي دوكتوراه ) وسنة عادة قريب مننا يعني الفرق بالكتير أوي 15 سنة
وده على شان يقلل الفجوة إللي أحيانا بتكون بين الطالب والمعيد
ومهمته إنه يعيد شرح الموضوع بسرعة ويبدأ يحل أسئلة كتيرة
|