[مسلمة متفائلة]

المشاركة الأصلية كتبت بواسطة hinda16

السلام عليكم...

ازيك؟؟ اية اخبار بعد العيد؟؟؟؟
انا صراحة خايفة ادخل معاكم فى اى حوواار.. اصل كلكم ما شاء الله ملتزمين ,,.. (( مش اقصد حاجة والله))

وانا مكسوفة ادخل ف كلام معاكم.. لانى نص نص,,,

المهم__ انا عندى مشكلتين ....

وعوزاكو تساعدونى انى اتغير فيهم ... بما انكم بقى اصحاابى,,

اول مشكلة.. ودى الاكبر طبعاا.. ان بمشى على سطر واسيب سطر فالصلاة... بنسى ديما او بكسل.. بس بنسى اكتر.. مش عارفة اعمل اية.؟؟ ولما ماما تيجى تنصحنى اعاند معاها عشان مش احبها تكلمنى فى اى حاجة... ( بينى وبينكم.. بخاف اصارحها بحاجة)

---------------------------------------**------------------------------------**
المشكلة التانية..
ان انا عاوزة اغير من نفسى بجد... من كام يوم كدة. سالت اصدقائى وشوية من اقاربى ال اتعاملو معاي وعرفينى .. وسالتهم اية اسؤا عيووبى اللى تشوفوها فيا؟؟

فكان ردهم كالاتى.. انتى عصبية كتير.. مش قادرين نفهمك.. شخصيتى قوية حبة...مش واثقة ف نفسى...مش بعرف اواجة حد خاااالص...

وانا عوزة اغير بقى من نفسى.. عوزة اكون انسانة احسن بكتير .. من كدة..

بس مش قااادرة..!!

ارجوكم ساعدونى ف حل المشكلتين دووول...

شكرا كتيرا لحضراتكم

وعليكم السلام ورحمة الله وبركاته
كل سنة و انتى طيبة الأول
ويارب تكونى بخير

ماتخافيش يا قمر ... كلنا كنا بنعانى من ده
لكن الحمد لله ...

فى الصلاة
اعرفى إيـه قدر الثواب اللى مستنيكى ... ثواب الصلاة كبير جداً
اسمعى الحديث ده كده
عن ابن مسعود رضي الله عنه قال: قلت: يا رسول الله، أيُّ العمل أحبُّ إلى الله تعالى؟ قال: "الصلاة على وقتها"، قلت: ثمَّ ماذا؟ قال: "برُّ الوالدين"، قلت: ثمَّ ماذا؟ قال: "الجهاد في سبيل الله"رواه البخاريُّ ومسلم.

طيب انتى بتقولى انك بتمشى على سطر وتسيبى سطر
طيب انتى ساعتها مش بتحسى بالذنب؟
كل اما تحسى انك مكسلة ومش قادرة تقومى أو فى حاجة شغلاكى
افتكرى الايتين دول
قال تعالى: "فويلٌ للمصلِّين، الذين هم عن صلاتهم ساهون"
اللى ربنا قال عليهم لهم الويل هما اللى بيصلوا ... آه ... لكن بيصلوا وقت ويسيبوا وقت
يصلوا يوم ويسيبوا يوم ... دول لهم الويل - حفظنا الله وإيـآكـِ - فما بالك باللى مابيصلوش أصلاً..!

استعينى بالله واستعيذى من السيطان الرجيم
قال تعالى: "وقال ربُّكم ادعونِي أستجب لكم"
وقال: "قل أعوذ بربِّ الناس، مَلِك الناس، إله الناس، من شرِّ الوسواس الخنَّاس"
لأنك عارفة الشيطان بيبقى عامل ازاى ساعت الصلاة
اسمعى الحديث ده
قال رسول الله صلى الله عليه وسلم : ( إذا قرأ ابن آدم السجدة فسجد اعتزل الشيطان يبكي ، يقول : يا ويلي أمر ابن آدم بالسجود فسجد فله الجنة ، وأمرت بالسجــــــود فأبيت فلي النار ) . رواه مسلم.

شوفتى بقى ... إزاى بعد ده كله تفوتى الصلاة ؟ استعينى بالله وادعيه انه يثبتك
واسمعى لمامتك لما تيجى تنصحك .. بجد احنا مش بنعرف قدر الأم إلا لما نفتقدها
وفى يوم من الأيام هتتمنى لو كنتى سمعتى نصيحتها وبعدين هى مش بتقولك على حاجة وحشة .. ده انتى المفروض تفرحى..
ده فى بنات نفسهم بس ان اهلهم يعينوهم على حاجة زى دى .. احمدى ربنا

وخطوة كويسة جداً إنك سألتى أصحابك عن عيوبك .. لأن الإنسان عمره مابيعرف عيوبه لوحده .. إلا من رحم ربى
تقدرى تتخلصى من ده بنفسك بالصبر ... وبقرآءة القرآن .. بجد القرآن له تأثير جامد فى النفس والقرآن أحسن الأدويـة فى مل زمان ومكان.. فـ اقرأى القرآن .. وادعى ربنا
ومن ناحية العصبية .. انا كمان كنت عصبية جداً
لكن انتى عارفة اما كانت تحصل حاجة تضايقنى أو كده افتكر آيـة
( والكاظمين الغيظ والعافين عن الناس )
فأصبر ...
وانتى كمان اصبرى واستعينى بالله كده .. وهتلاقى كل حاجة اتصلحت إن شاء الله

ويا رب أكون عرفت اساعدك ... وفى انتظـآر باقى الأخوات اللى هنا
هما كمان يقدروا يساعدوكى

بالتوفق يا حبيبتى