[معاكم قلبى]

المشاركة الأصلية كتبت بواسطة د.عبدالرحمن المنياوي

السلام عليكم .. بصراحة ياجماعة احنا كنا في اجتماع مع وزير التعليم العالي وقال إن التعيينات مقسمه لـ3 شرائح الأولى العشرين الأوائل والثانية طلاب المنح والثالثة الحاصلين على الماجستير والدكتوراة من خارج المنح .. وبعدين قال الوزير إن المرحلة الأولى سيتم تنفيذها يوم الأحد القادم وهو خاطب التنظيم والإدارة بكده .. (بس على الله النحاس مايوقفش الموضوع) .. طبعا أنا مارضيتش أقول امبارح علشان مظاهرة انهاردة وماحدش يطنش ويركن .. المهم حصل تعديل في القرارات الدرجات المخصصة للمنح والحاصلين ارتفعت من 2300 إلى 3075 درجة والتفاوض الآن على توزيعهم وقد تدخل الأكاديمية في قصة التوزيع بعيدا عن الجامعات .. والإعلان النهائي سيتم يوم الأحد أيضا .. حيث من المنتظر فض الاعتصام الموجود في الأكاديمية في نفس اليوم بعد إعلان النتائج كاملة .. وحصل تعديلين هامين جدااااااا بالنسبة للحاصلين وطلاب المنح أولا يستثنى شرط السن في التقدم للوظيفة يعني المدرس المساعد هيتاح ليه حتى 40 سنة والمدرس حتى 55 .. وثانيا أصبحت الآلية سنة على 3 مراحل بدلا من 3 سنين .. وانهارده بقى جاء الخبر في الأهرام بتأكيد بعض هذه المعلومات وربنا ييسر للباقي .. بالمناسبة أنا أطلعت قادة المعتصمين من الأوائل على هذه الأخبار أمس بس ماحبتش أنشرها كما قلت سابقا ..

و عليكم السلام و رحمة الله و بركاته
تسلم حضرتك على الاخبار الحلوة بس انا ليا استفسار
ممكن حضرتك توضحلى يعنى ايه تسكين طلاب المنح يعنى كل من اخد منحة ودرجة هيتعين فى مكانه ولا ايه
ولاهما هيرجعوا تانى يبعتوا للاقسام وتشوف الاحتياجات تانى والكلام ده اللى حضرتك عارف انه مالوش لازمة لانهم مش هيطلبوا حد
اخيرا معلش انا عارفة انى تقلت عليك بس انا مش مستوعبة انهم فعلا هيعينوا الكل فى مكانهم اللى كانوا فيه بالجامعات بصرف النظر عن اى حاجه ولا هيعملوا اعلانات عن الاماكن الفاضية وكده يا ريت حضرتك توضحلى اللى انا فهمته صح ولاغلط