[Eng..LiNa]

المشاركة الأصلية كتبت بواسطة hobahoby

يا جماعة انتوا زى اخواتى و انا زى اختكوا بس اخت هبلة و عبيطة و مترددة و مليش قرار
عشان كدة عايزة اخد رأيكوا فى حاجة يمكن تافهة بالنسبة ليكوا بس بالنسبة لى حاجة مهمة جدا
دلوقتى انا رايحة ان شاء الله تانية ثانوى و طبعا لازم دروس بس المشكلة بقى ان قدامى خيارين فى كل المواد

الاول : اخد فى سنتر مجموعة مميزة 20 او 25 فرد فى قاعة مكيفة مع مدرسين ثانوية عامة متخصصين و ليهم سكرتير و واحد بيصحح الواجب وكدة

الثانى : اخد درس عادى مع مدرسين عاديين مش وحشين و فى نفس الوقت مش معروفين اوى فى بيت اى حد من صحابى و عدد الطلبة حوالى 8


مش عارفة اختار انهى خصوصا ان السناتر بدأت الحصة الاولى و داخلين على التانية

ساعدوووونى

بصي يا حبيبي
انا اكبر منك داخلة 3 ان شاء الله
انا كنت باخد مجاميع مميزة السنة اللي فاتت والسنادي كمان
وهيا مش وحشة خالص
بالعكس كويسة جداااا
وكمان المستر بيبقي مركز معاكم اوي
ومش بتتعطلوا بتجميع الفلوس والكلام ده في الحصة
_ده بالمقارنة بالمدرسين اللي بيشتغلوا فبيوتهم _
بس انتي لازم تكوني مرتاحه نفسيا للمكان اللي انتي فيه
مرتاحه مع الطلبة ومع المدرسين
_وعلي فكرة مش دايما بتبقي حاجه حلوة انك تبقي مع صجابك فالدروس في عيال تخنق _
وكمان حاجه انتي لازم تعرفي ان المدرس عليه اقل من 20% من المجهود بس
وال 80% عليكي انتي لازم تزاكري كويس وتحلي كتير وتعصري المدرس لحد ما تفهمي حلو اوي

بس اتمني اني اكون افادتك بحاجه ولو اني حاسة اني عقدتها عليكي