البسم الله الرحمن الرحيم
اولا : انا عمري ما جربت انقد كتابات شخص ككل وخصوصا الاعامال الي بالعامية ممكن عمل واحد لوحدو اوكى فمعلش هتلاقو اسلوبي لا يرتقي لاسلوب احمد او مجاهد ...
النقد :-
اول حاجة لاحظتها على كتابات كريم انها كلها بالعامية مفيش بالفصحى فالاسباب لكده من وجهة نظري انها ممكن تكون :-
1- الناس مش بتحب الفصحى زي ما بتحب العامية فكريم بيكتب الي الناس بتحلو
( هنا ارد واقول الفصحى يا كريم حتى لو صعبة على الناس بس هيا الاصل ومش لازم اعجاب الناس المهم اثبات الهوية )2- ان كريم مش قادر يوصل مشاعرو واحاسيسو من خلال الفصحى فاتجه للعامية
( هنا بقولك الفصحى ممكن تعبر بيها عن احاسيسك بقوة اكتر من العامية )
3- ان كريم معندهوش مخزون لغوي من الفصحى وده أدى الى السبب التاني
( هنا بقوله اقرا فصحى كتير هتلاقي كلمات كتير جدا تقدر تعبر عن كل درجة من درجات مشاعرك مثال على كده الحب في العامية هتقول بحبه في الفصحى عندك درجات " عشق - هوي - وجد - صبا - حب )
باقي كده حاجتين حاجة تؤخذ على كريم وحاجة تساند كريم
الي تؤخذ على كريم انو بيكرر الكلمة الواحدة في العمل الواحد كتييييير ( ده يا كريم يولد عند القارئ العادي نوع من الملل ويعرف القارئ المتمكن ان انت معندكش كلمات كتير تقدر تعبر بيها او انك مش بتنقح العمل بتاعك فلازم تغير في الكلمات )
الي تساند كريم واعجبت بيها جدا جدا
انك بجد يا كريم ما شاء الله عليك في اغلب اعمالك بتعرف تظبط النغمة الي انت ماشي عليها من الاول للاخر وده شيء صعب
والى الامام دائما يا كريم والبتوفيق ان شاء الله
في الاخر انا عارف ان النقد مش الي هو بس معلش ده نظرا لانشغال احمد وان شاء الله هيعود ويستمر معانا