[Analyzer.Mn3m55]

فكرة .... فكرة يا جماعه هى تجارب 365 يوم و هي إنك كل يوم تقرر تعمل حاجة معينة
ناس بتعملها في التصوير ، يبقى في آخر السنة عمل 365 صورة
وناس بتعملها رسومات ، وناس بتعملها أشغال يدوية صغيرة
أنا فكرت أعملها 365 فكرة
بداية من النهاردة
كل يوم هكتب فكرة جديدة إن شاء الله
أتمنى تتابعوا الأفكار ، وأتمنى إنها تكون مفيدة
~
ملحوظة :
لو حصل وفي يوم ما قدرتش ادخل نت اكتب الفكرة .. هكتبها عندي في أوراقي وبعدين اكتبها بتاريخها هنا
..
و كمان بجانب ان كل يوم فكرة جديده .. هيكون فى مقوله فى النجاح .. الموضوع متجدد باستمرار لذلك تابعونا

فكرة النهارده :

فكرت أخصص يوم كل فترة ، مش بصورة دورية يعني مرة كل اسبوع ومرة تانية كل شهر .. بمعنى أدق .. كل لما ابقى فاضي ومزاجي يسمح ، واخصص اليوم دا لتلبية طلبات الناس ، أطلب من الناس تفكرني بالخدمات اللي طلبتها مني وانا لسة ما لبيتهاش ، وأقولهم لو يحبوا إني اعملهم أي حاجة طول اليوم دا ممكن اعملها .

الفكرة هتساعد وتسعد ناس كتير .. دا غير إنها هتسعدني أنا شخصياً وتحسسني إني راضي عن نفسي


مقوولة النهارده :
لا يقاس النجاح بالمكانة التي يتبوأها المرء في حياته، بل يقاس بالصعاب التي تغلب عليها.

ملحوظة : بعض الافكار مقتبسه من صفحة ( سارة درويش بالفيس بوك بارك الله لها )