اقتباس:
المشاركة الأصلية كتبت بواسطة MohammeD el_SadaT
اللى عاوز يعمل حاجه بيعملها فى صمت
ودى وجه نظرى المتواضعه
لا مظاهرات ولا غيره اللى بيعمل مبيقولش واللى بيقول مبيعملش |
طب احنا عايزين نحتج عشان صوتنا يوصل
احنا لو نقدر نغير في صمت كنا غيرنا
لكن لان التغيير دة مش بايدينا فعايزين نوصل صوتنا للي مسئول انه يغير
غير كدة يعرفو ان الكترة تغلب الشجاعة
وياما حكومات سقطت وحكومات غيرها اتحطت باصوات الناس واحنا عارفين من دة كتير
اقتباس:
المشاركة الأصلية كتبت بواسطة أرق ملاك
بصى يا حبيبتى انا هقولك ع رايى بس مش عايزاكى تحبطى
انا من رايى ان المظاهرات مش هتضر حد الا احنا لانهم عارفين ان الشعب غضبان بس لو عملنا حاجة مش منظمة هيحبسونا احنا و كمان فى ناس هتستغل كده و تدمر البلد و ده احنا مش عايزينه لانها فى الاول و الاخر بلدنا
بس اللى المفروض ان الشباب يعمله من وجهة نظرى انه يضغط ع الحكومة بوسائل تانية و يوصل فكرته بوسائل اكتر حضارية
فى حاجة كده عرفتها مؤخرا :ان ايام سيدنا عمر الناس راحوا يشكو اليه من غلو اسعار اللحم فقال لهم انه لايملك اللحوم لكى يخفض اسعارها بس هما اللى بايديهم ده قالوله ازاى قال قاطعوها
الرواية مش فاكرة الفاظهابالتحديد بس المضمون هو ده و شفته ع قناة بداية
و طبعا مش معنى كده اننا نقاطع منتجاتنا زى بتاعت الدنمارك بس مش نبقى هنموت ع حاجات نقدر نقللها
و فى الاخر اقولك:رايك صواب يحتمل الخطأ و رايى خطأ يحتمل الصواب
|
شكرا لمرورك ولرايك
انا محبطة من غير حاجة
على فكرة انا مش اقصد المظاهرات الهمجية دي والضرب والزعيق
ممكن نعمل احتجاج او اضراب منظم زي اللي عملوه الاطباء ف القاهرة تقريبا ونادي المحامين ف اسكندرية بتكون متنظمة وهادية والشرطة متقدرش تتدخل
والوسايل اللي ممكن نوصل بيها صوتنا زي ايه ياريت لو توضحي اكتر
وبالنسبة للمقاطعة والله انا مستعدة وبابا وماما اساسا هما اللي اقترحو فكرة المقاطعة
لاننا لو قاطعنا المنتجات دي هيحصل كساد فهيضطر البياعين والتجار انهم ينزلو سعرها
اهي وسيلة تساعد ف خفض الاسعار برضه
بدل مايخزنو المنتجات عندهم بما انها بتغلى كل يوم فبيستفيدو
اقتباس:
المشاركة الأصلية كتبت بواسطة بورسعيدى
موضوعك جميل ومؤلم طبعا
ده حتى الواحد مش بيلحق يحفظ الاسعار
لان كل يوم بشكل جديد وثوب جديد
وحتى البائعين كانوا بيكتبوا التسعيره على المشتريات
لكن دلوقتى مش معقول كل يوم يكتب تسعيرة جديده لانها بتتغير كل يوم
لكن موضوع المظاهرة ده مش هايفيد ولا هايجيب نتيجه
والسلام عليكم وبلاش سلامو عليكو دى لانها غلط
شكرا ...
|
حضرتك فكرتني بنظام التسعيرة بتاع زمان اللي اتلغى طبعا دلوقتي
بس ليه يا جماعة محدش مقتنع ان الاضراب مش هيفيد بالعكس
عندهم حق بقى يدونا على دماغنا اكتر
مدام احنا ف كل تعدي وظلم بيحصل بنقولهم (كمان)
شكرا لمرورك
اقتباس:
المشاركة الأصلية كتبت بواسطة ملك اليمين
بلاش المواضيع دية
لحسن السايت يتعلق
قصدى يتقفل
واحنا بنات واهلينا عاوزينا
|
ههههههه
متخافيش موصية ع العيش والحلاوة من دلوقتي
قبل ما تغلى :D
اقتباس:
المشاركة الأصلية كتبت بواسطة دعوني اتعبد لحظه
اولا شكرا ليكي
هتعبر نفسي اول المرور واقولك
ان نحن نفعل لكي نريد
واذا تكلمنا نتكلم في علو
يعني باااختصار
تقدري تطلعي مظاهره افتكر اهلك مش هيوافقو
بس ممكن نقول نعمل ورق ونوزعه علي الناس يمكن حاجه تتحرك
الا معملنا ولا اتحركنا عشان نصرة نبينا هنتحرك عشان بطونا
شكرا لكي
|
ليه يامي
احنا مش عملنا مقاطعة
عشان نصرة الرسول (عليه الصلاة والسلام)
ولو ع الورق اتعمل كتير وبشوفه هنا ف جامعة اسكندرية
غير رسايل النت
وبعدين مين قاللك ان اهلى مش هيرضو اني اعمل احتجاج او اضراب
لو الموضوع متنظم عادي مفيهاش اي مشكلة لانه هيكون سلوك حضاري جدا
انما لو مظاهرة تدميرية والهجص دة فعلى راي ارق ملاك دي بلدنا برضه مش هنقعد نبوظها ، ده احنا عايزين نصلحها
شكرا لمرورك
اقتباس:
المشاركة الأصلية كتبت بواسطة The_Relativistic200
بقول ايه :D
عن نفسى هعتبر الموضوع دهتنفيس عن النفس
لان المظاهرات بتبقى قرعة ومش ليها لزمة
كمان كل الناس اللى بتتكلم وتعمل فيها عنترة ...ومظاهرات.....بتخش القسم يومين...كام قفا على كام ....اى حاجة بقى  ...ويطلعوا دلال بعد كدة:D
هو عامة الدولة احنا مش فى دماغها ولا هى حطانا فى دماغها ولا حاجة
الحكاية ومافيها كلمتين
البركة ..((اللى البلد ماشية بيها ...يعنى مفيش نظام))
والسرقة والتهليب(( يعنى اللى معاه بياخد اللى مش معاه حاجة على ديله )) يعنى هم مش فاضيين لنا ..مش مسالة حطينا فى دماغهم ولا لع
بس كده
بيشغلوهم بلقمة العيش وخلاص
الموضوع اعمق من كده كمان بس بلاش ندتل (يعنى نقول details(:D
سلام بقى
والحل الاضمن للمشكلة دى
بما ان حضرتك فى ثانوية عامة....تروحى تذاكرى فيزيا عشان بيقولوا هتيجى صعبة:D |
يا مساء الاحباط
بس كويس اوي ان كلمة الحق طلعت
البلد مش حطانا ف دماغها ليه
عشان احنا ساكتين للي بتعمله فينا
ماشية بمثل اللي يلاقي دلع وميتدلعش هيحصله حاجة
بالنسبة للفيزيا بقى متفكرنيش
ربنا ينتعنا منها بالسلامة هي واختها (الاحياء)
قبل الشعرة اللي فاضلة ماتضرب
اقتباس:
المشاركة الأصلية كتبت بواسطة saeed_2015
يا حاجة الغلاء دة مننا؟
هاتقولى نعم ازاى؟
هاقولكم من ذنوبنا
|
حاجة يااااااه ربنا ينعم بيها عليا
بس معنى دة ان لما الاسعار كانت رخيصة (ايام زمان)
كانت الناس كلها ملايكة
مش بترتكب ذنوب
دة بالعكس يمكن ربنا مصبرنا لحد دلوقتي عشان بيحبنا
كان زمان المواطن المصري انقرض من زمان
شكرا لمرورك
اقتباس:
المشاركة الأصلية كتبت بواسطة احمد رضا
انا ماشي وسايبها
ابقي اعملي مظاهره بقى
استمري هه
المهم ايه اخبارك واخبار الاحياء
ان شالله يارب بخير
|
ماشي اتريق اتريق
ماشي ليه
انت مشربتش من نيلها
والاحياء كويسة وبتسلم عليك كمان