[الظلم لا يدوم]

سيدى الفاضل

هل من حق مدير المدرسه انه يعمل خطط المدرسين ويوزع الحصص تبعا لاهواءه الشخصيه ؟ ولو لا ياترى مين من حقه يعمل كدا ؟
ياريت حضرتك تشوف الخطه اللى اتعملت لمدرسين ماده العلوم فى مدرسه ميت ابوغالب الاعداديه بنات واللى عملها مدير المدرسه وفرض على المدرسين تنفيذها وتقولنا رايك

1- الاستاذه دينا 12 حصه فى 6 ايام مع العلم ان الاستاذه دينا مكملتش لسه خمس سنين تعيين
2- الاستاذه ريهان 16 حصه فى 6 ايام مع العلم انها اقدم بقالها حوالى 10 سنين
3-الاستاذه ايمان 24 حصه فى ست ايام مع العلم ان الاستاذه ايمان فى سن الاستاذه دينا واشتغلوا مع بعض

طبعا نتيجه للخطه دى هنلاقى ان فيه مدرسه بتشتغل 24 حصه وتانيه 12 حصه ومتعينين مع بعض واللى شايله 24 اكبر ب3 سنين كمان وللاسف لما جه الموجه معملش حاجه لان واضح ان مدير المدرسه ليه كلمه مسموعه اوى فى التوجيه
وحط الخطه غصبن عن المدرسين وطبعا عارف ان نتيجه لسلطته وصوته العالى وخوف الاستاذه ايمان على ندبها لانها منتدبه يومين بره قريب من بيتها محدش هيقدر يقف قصاده ياترى الاستاذه ايمان تعمل ايه عشان تاخد حقها وتتصرف ازاى ولو توجيهها منصفهاش ممكن تعمل ايه ؟

ملحوظه المدير خلى الاستاذه ايمان هى اللى تكتب الخطه بايديها وتمضى عليها ؟