[الاستاذ محمد سرور]

الاستاذ خالد جزاه الله كل الخير
قام بالرد على اغلب النقاط
ولكن استوقفتنى هذه الفقرة للاستاذ ايمن نور

ثالثا : لا أعرف الحقيقة لماذا قامت الثورة فى مصر
بداية الثورة قامت لانها ارادة الله ثم لرفع الظلم ثم للتطهير ثم للبناء والنهضة
، هل قامت من أجل بناء بلدنا وتحقيق نهضتها لكى تكون دولة عصرية قوية تضاهى الدول الأخرى ، أم انها قامت من أجل الارتداد الى الوراء
ممكن تعرفنا مفهموك لقيام ثورة هدفها الارتداد للورا ..وكيف يحدث ذلك من وجهة نظرك ..او بمعنى اصح ايه هى المقومات اللى تخلى ثورة يكون هدفها الاتداد
، أنا قد أتفهم أن تكون السعودية دولة دينية تطبق الشريعة الاسلامية ، فهذا متوافق تماما مع طبيعة هذه الدولة تاريخيا وواقعيا

دة على اساس انهم المسلمين الوحيدين اللى مطالبين بتطبيق الشريعة واحنا لا
، كما أننى أتفهم أن تقوم دولة دينية مسيحية فى الفاتيكان ، هذا أمر طبيعى و منطقى
، و لكن تخيل معى لو ظهرت بعض الآراء فى دولة مثل الامارات مثلا و طالبوا بتطبيق الشريعة الاسلامية وفقا لآراء الفقهاء ، ستجد الاماراتيون سيثورون على ذلك ويرفضونه

ما شاء الله هو احنا بعد افتكرنا نفسنا بنتكلم بلسان الشعب المصرى لوحدنا واننا اوصياء عليه ...بقينا نتكلم كمان بلسان شعب الامارات ...
طيب بما انا الموضوع كدة بقى يبقى انا من حقى اقول ان لما نطبق الشريعة الاسلامية فى مصر هتلاقى الشعب مبسوط وفرحان وعامل مهرجانات
ما هو خلاص بقى كل واحد بيتكلم باسم الشعوب
كأنهم رشحوه يتكلم بالنيابة عنهم
، و سيتهمون من يطالب به بأنه قاصر النظر ولا يقرأ الواقع جيدا

والسؤال هنا ..ما مدى صحة كلامك
.هذا هو الحال فى مصر فى هذا الوقت بالتحديد ،

اوعى تصدق الكلام دة ....دى اشاعة
تعالى اقولك انا ايه اللى حاصل فى مصر فى هذا الوقت
فى قلة فاكرين نفسهم اوصياء على الشعب ومحتليين البرامج التلفيزيونية وعمالين يروجوا للاشاعة اللى حضرتك سمعتها دى ...لكن عايز تعرف الشعب فعلا عايز ايه اعمل استفتاء على تطبيق الشريعة وانت تعرف واحنا كمان نعرف معاك
قد تصلح هذه المطالبات فى وقت آخر و فى ظروف أخرى ،
دة على اساس ان ربنا لما ارسل رسولنا صلى الله عليه وسلم بالرسالة السماوية
كان هدفها انها رسالة لا تصلح لجميع الازمنة وجميع الاماكن وتحت اى ظروف
الشريعة اللى حضرتك بتتكلم عليها دى واتبعها الصحابة رضوان الله عليهم كانوا عايشين فى ظروف اسوء بكتير من اللى احنا عايشين فيها
قتل واسر وربا وعبادة احجار وخمر ووأد بنات (جاهليه) وجاءت الرسالة السماوية بالشريعة الربانية لتمحو كل ذلك ولتقضى على هذه الظروف
فالاصل فى الشريعة انها نزلت لتغير احوال الخلق من الاسوأ الى الافضل ...لكن على كلامك بتاع الظروف دة كان ربنا استنى على اهل شبه الجزيرة لحد ما تتحسن ظروفهم بعد كدة ينزلهم الرسالة والتشريع...وطبعا دة لم يحدث

و لكن من المؤكد أنه لا يصلح الآن
التأكيد دة من وجهة نظرك ..ولا يوجد دليل عليه بل العكس لكلامك هو الصحيح
. فرفقا ببلدنا مع ملاحظة أن ما أقوله ( يتفق عليه أيضا الكثير من علماء الدين الاسلامى ) .

ممكن نعرف مين العلماء دول لان كلمة عالم دى ليها شروط
وكمان عايزين نعرف هل كلامهم دة رأى شخصى ام كلام بدليل شرعى