عنجد انـــــــا لاول مرة ادخل المنتدي بتاع الترفيه دا
ولقيت اول موضوع لـــــــ الاستاذة لوجيـن
بجد اكتر من رائـــــــــــع ....
واسمحولى .....
انى اقول موقفين لن انساهم
طالما حييت فى التربية والتعليم
الموقف الاول
كنت فى احد الايــــام داخل الفصل
وكانت حصة للطلاب هما ال بيشرحو فيها
كل طالب بيقوم بدور المدرس
وانا بقعد ف اخر مقعد مجرد توجيه بس
وبعد 10 دقايق .........
دخل الموجه وكان طالب هو ال واقف ع السبورة
طبعا الطالب سكت اول ما دخل الموجه
وكان فى بعض طلبة بيحلو اسئلة جماعية
يعني نص الفصل كان بيتكلم
وســـــــأل الموجه الناظر ال كان معاه
فين البيه الاستاذ يعني مش فى حصته ؟!
ونظرا لانى اصغر مدرس ف المدرسة
ولابس كاجوال ... يعني شكلى يقول انى طالب
انا قمت من اخر مقعد ولسا هتكلم
لقيت رايح قايلى انت يا بنى اقعد مكانكـ وقفت ليه !
طبعا انا من الاحراج مقدرتش اتكلم
حاولت اروح عنده عند السبورة واكلمه
لقيت العصاية ال ف ايده ف لحظة ع كتفى
وبيقولى مش قولتلك اقعد مكانك مش تقوم
الناظر من كتر الضحكـ مقدرش يتكلم
شكله كان فرحان فيا
اما بعد ما الموجه عرف انى المدرس بقا
فاعتذراته كانت كييييييير
بس شكلى بقا وحش اوى قدام العيال
الموقف التانى مشابه للاول الى حد بعيد
كنت ف مدرسة مبنيين مبنى للطلبة ومبنى طالبات
ونظرا لان المدرسة ثانوى فــ المدرسين بيعاملو الطلبة ال
بيروحو مبنى البنات بخشونة ...
وانا كنت لسا اول يوم ف المدرسة دي
ومش اعرف اغلب المدرسين وهما مش يعرفونى
وكنت ف مبنى البنات ... خلصت الحصة وخرجت
وقفت قدام الفصل ومولع سجارة
ومختش بالى الا وعصاية زى العسل ع ضهرى وواحد
من المدرسين بيقولى ومولع سيجارة كمان
مش كفاية انك فى مبني البنات !!
وبعد ما عرف برضو
اعتذاراااااااات
بس بعد ايه ؟
ما اخدت العصاية وال كان كان
وبعدها بدقيقتين نازل ع السلم
وواحد صاحبنا مدرس تانى
جاى من بعيد بيقولى
اوعى تجرى ....
انا شوفتك ....
خد هنااااااا ....
ايه ال جابك مبني البنات ياض !!
وانا فضلت واقف لغاية ما جه عندي وقبل ما يقرب
منى خفت بصراحة اخد عصاية تانى
يبقو عصاتين ف يوم واحد
بيني وبينه لسا اتنين متير
قولتله بصوت عالى
ياعم والمصحف انا نيلة مدرس
قعد بصلى شوية بيستوعب ههههههههه
وبعدين اعتذراااااااااات
ونزلت مكتب الناظر كانت الفسحة واغلب المدرسين ف المكتب
رحت واقف ف نص المكتب وزعقت بصوت عالى
وقلتلهم
يا اخوانااااااا والله انا مدرس وال هيكلمنى نص كلمة
بعد كده مش هسكت ليه انا بقولكم اهو بس هه بقا
وتقبلو مرورى ........
__________________
Life is very complicated..Don`t try to find ANSWERS
Because when you find answers LIFE changes the QUESTIONS
so..Belive in yur Self
|