10-09-2011, 06:41 PM
|
|
مدرس لغة عربية
|
|
تاريخ التسجيل: Apr 2010
العمر: 43
المشاركات: 9,390
معدل تقييم المستوى: 25
|
|
بجد كلمات جميلة
مش قادر أكتب من دموعى ..... كلام هايطفى نور شموعى
كلام ما ينفع فيه رجوعى ..... غصب عنى أنا قلبى تعب
أنا من حياتك بنسحب
من غير كلام عن حب هان ..... و لا قلب باع و لا قلب خان
عشان ما تبقى فى الأمان ..... و لإن قلبى ما فى يوم كدب
أنا من حياتك بنسحب
من غير كلام عن الوعود ...... و لا الحواجز و لا السدود
و فرق بينا ملوش حدود ...... حاولت أغلبه ما بينغلب
أنا من حياتك بنسحب
من غير كلام عن الحكاية ..... و لا أحلام بتموت جوايا
الحب وحده مش كفاية ..... و آدى النهاية بتنكتب
أنا من حياتك بنسحب
من غير كلام يا حلم عمرى .... و لا بعتك و لا خنتك عمرى
و بعدى عنك مش بأمرى ....... مين من نصيبه فى يوم هرب
أنا من حياتك بنسحب
أنا لازم عنك أبعد بعيد ..... و إنتى إبدأى مع حد جديد
أحسن ما جرحك معايا يزيد ...... و سنين عليكى بتتحسب
أنا من حياتك بنسحب
فى الختام عايز عنيكى ..... تعرف إنى بخاف عليكى
و كنت عايش بيكى و ليكى ...... و عمر قلبى ما بقلبك لعب
أنا من حياتك بنسحب
__________________
إن طالت أو قصُرت ، إن زانت أو شانت ؛ هي دُنيا وستنتهي ..
|