اقتباس:
المشاركة الأصلية كتبت بواسطة العربي الصغير
أنا معاكم إن المدرسين ـ زي أي فئة من الشعب المصري ـ في ظروف صعبة وغير آدمية ، ولكن المفروض في الوقت ده والظروف دي خصوصاً اللي حصل يوم الجمعة بالليل وفي الظروف الصعبة دي ، أقل حاجة يعملها المدرسين المفترض منهم إنهم قدوة إنهم يأجلوا المظاهرة لوقت لاحق والدنيا مش هتطير ، ولكن للأسف الواحد بيسمع في الوقت العصيب ده إن المدرسين في مظاهرة أمام مجلس الوزراء ، تاني حاجة إن الناس كأنهم افتكروا فجأة إنهم مظلومين ومطحونين ، مافيش بني آدم في مصر غير لما طلع في مظاهرة أو دخل في اعتصام أو إضراب ، نفترض إن الناس دي كلها معاهم حق بس هما كانوا فين قبل كده ، يعني فجأة افتكروا إنهم مظلومين ومهانين وحقهم مهضوم ؟؟ الشعب المصري يثبت يوماً تلو الآخر إن أسلوب الرئيس المخلوع مبارك في الحكم  هو الأنسب للسيطرة على الشعب المصري ، يا رب أكون غلطان والوضع يتحسن والناس ترضى ، أرجو أن يكون الرد بعيداً عن السباب علشان ندخل في مناقشة عقلانية نستفيد منها كلنا
|
بداية مرحباً بك
نورت الصفحة
ولكن هل تعلم أيها الحبيب أن المعلمون وحدهم هم الذين لم يخرجوا طيلة الفترة الماضية فى أية مضاهرات
نوعية كانت أو عامة , هل تعلم أن الرئيس المخلوع كان أكثر إنصافاً للمعلمين من حكومة ما بعد الثورة
هل تعلم أن هذه التظاهرة أجلت عدة مرات لإسباب شبيهة بالتى ذكرت
وأننا سكتنا وقتما عز السكوت على الجميع أجلت لإسباب الإنفلات الأمنى , أجلت نتيجة أحداث سيناء
ولكن كان لابد من وقفة قبلما تبدأ الدراسة فنتسبب فى تعطيلها , أو نسكت إلى الأبد
أسعدتنى شدة وطنيتك وأحساسك المرهف ببلدك
جزاك الله خيراً على المرور وعلى المشاركة