[راجى طاعة الرحمن]

المشاركة الأصلية كتبت بواسطة amira..la princesse

بومة!!
هي حصلت معانا قبل كدة ... كنا قاعدين و سايبين البلكونة مفتوحة و لقينا بغبغان ملون و شكله تحفة دخل من البلكونة
و أول ما دخل قفلنا أبواب الأوض و البيت و قفلنا الشبابيك و البلكونات و قعدنا نجري وراه
و بعد عناء طويل جداً و بمرور الوقت قدرنا نمسكه الحمد لله
و حطيناه في البلكونة و غطيناه بشبكة من القماش و صحينا الصبح علشان نشوفه لقيناه طار .. مع اني و الله كنت بفكر أجيبله قفص و احتفظ بيه بس مالهوش في الطيب نصيب
لكن عامة عندنا حوالين البيت في فراغ تقدر تقول عليه جنينة من غير زرع بس على الأطراف في ورود و نباتات أكيد بتربي حشرات كتيرة في وسطها
ده غير بقى في الفضاء ده عندنا كلاب و قطط و عندنا كلبة كل شهرين تجيب 6 على الأقل و مش بيفضل منهم غير واحد

هو ممكن تتوقع دخول أي شيئ في البيت طالما سايبه مفتوح لكن بومة بصراحة غريبة أوي !! أنا عمري ما شفتها في الواقع و مش عايزة أشوفها

شكرا على الموضوع
بجد حلو أوي

ربنا مايخليكى تشوف بومة أبداً فى حياتك

بس حلوة الجنينة اللى أنتى عايشة فيها دى

شكراً على مرورك