[محبه الاسلام]

المشاركة الأصلية كتبت بواسطة zamalek1

هى كلية علوم كلية قمة ولا لا ؟؟؟؟؟؟؟؟؟؟
وليه الناس بتعترف بالمهندس والدكتور بس ؟؟؟؟؟؟؟؟؟؟؟؟؟
ليه 90% من اللى بيدخلوا علوم بيبقوا حاطين الطب والهندسة فى اولويتهم وبيضطروا يدخلوا علوم؟؟؟؟؟؟؟؟؟؟
ليه الناس حاطيين العلوم فى قاع كليات العلمى ؟؟؟؟؟؟؟؟؟؟؟؟؟؟؟؟
حد يقولى يا ما هحول ادبى
نفسى محبة الاسلام وكيمياءى طبى وكومبى وسبايدر يردوا عليا؟؟؟؟؟؟

ولو انى اهلويه اوى بس هجاوبك لاننا ولاد بلد واحده والاختلاف فى النادى لا يفسد للاجابه قضيه هههههههههه
اولا احنا فى مجتمع مش بيقدر العلماء غير لما يظهروا وفى الغالب العلماء بيظهروا مش فى مصر انما فى دول برا
وبعدين كمان فى مشكله فى الاهل انهم عايزين ابناءهم يطلعوا ياما دكاتره يا باش مهندسين لزوم الفشخره يعنى
وبعدين انا واحده من الناس كانت جيالى طب بيطرى وناس كتير قالولى وماله هتبقى دكتوره برضو بس انا اصريت على علوم لانها بجد بجد كليه محترمه
وبعدين فكر معايا كدا هتلاقى ان كليه علوم الكليه الوحيده الى بتخرج 20 مهنه مختلفه زى الكميائى والجيولوجى والفيزيائى والاحصائى والبيولوجى .....الخ بقى دول 20 تخصص
انما كل الى بيدخل طب بيطلعوا دكاتره سعيد الحظ منهم يفتح عياده خاصه والباقى فى المستشفيات بفلوس قليله
وبرضو كل الى بيدخل صيدله يطلع صيدلى ولو حظه كويس يفتح صيدليه ولو وحش يشتغل عند صيدليه حد زى بتاع دبلوم تجاره بالظبط
والى دخل هندسه يطلع مهندس وبرضو لو حظه حلو هيشتغل فى شركه محترمه والاغلبيه بيقعد على القهوه او يفتح محل يبيع اى حاجه
انما علوم مجالات العمل فيها كتير والناس بدات تفهم دا فعلا وان شاء الله قريبا كليه علوم هتبقى احسن من اى كليه قمه
المهم ان الانسان يعمل الى عليه وربنا يوفقنا واوعى تحول علوم كليه العظماء واسال زويل

اسفه طولت عليك .... ارجو انى اكون وفقت فى اقناعك