شكرا جزيـــــــلا على النصائح الجميلة بجد
وانا عايزة اضيف حاجة معلش
انا عايزة اعرف المدرسين اللى بيتعاملوا مع الطلبة بعنف فى الفصول
انا كنت فى مدرسة لغات فى حضانة بس جه نصيب المدرسة تتهد..روحت مدرسة تانية خاصة
هناك انا فاكرة يوم انا مش هنساه فى حياتى كلها
يوم ما المدرسة بتاعتى طلبت منى اكتب اسمى على الصبورة بالانجليش و معرفتش
زنبتنى و ضربتنى انا وصديق ليا لاننا معرفناش
مع ان اسمى والله صعب جدا جدا فى كتابته بالانجليش ....ازاى هى تطلب حاجة زى كده منى؟؟
جالى ساعتها كره فظيع للمدرسة واتحولت للطلبة اللى بيعيطوا كل يوم عشان مش يروحوا المدرسة
بس بتوسع جـــــــــــــــــــــــــــــــــــــــــــدا لدرجة ان اهلى افتكروا انى راكبنى عفريت و العفريت مسيحى كمان(كلام من الجهلة وصدقناه)
لحد الحمد لله ما المدرسة اتعاونت معانا وعرفت مشكلتى النفسية مش الكلام الفارغ ده
لقيت طيبة وحسن تعامل رهيب من المدرسين وبقيت من المتفوقين ومن اشهر الناس فى المدرسة و الاوئل 6 سنين ولما جيت ادخل اعدادى كنت خايفة اشوف اللى شفته دا تانى...
بس الحمد لله محصلش حاجة زى كده
وانا الحمد لله دلوقتى فى صيدلة
مش معنى ان الطالب غلط او معرفش يجاوب يبقى غبى و مش بيذاكر و يستحق الضرب عشان يتعلم ويذاكر
والله ابدا
حب الطالب للمدرس والمدرسة هو العاااااااااااامل الرئيسى للنجاح
ارجو من المدرسين الافاضل انهم يتعاملوا مع الطلبة بحب.......والله هم نفسهم هيرتاحوا
اسفة على الاطالة و تقبل مرورى استاذ سامى
|