[shereen ss]

المشاركة الأصلية كتبت بواسطة ningooooo

يعني لو ما دخلتش طب هدخل ايه يعني ؟؟
خلينا و اقعيين و نعترف ان نظام التعليم عندنا متخلف
يعني مثلا لو جايب مجموع كلية طب اكيد هدخل كلية من المجموعة الطبية و الاغلبية العظمي هتختار طب بشري و لو في حد اختار حاجة تانية فبيبقي علشان سنوات طب الطويلة فقط و نادرا لما تلاقي السبب الميول لان نظام التعليم عندنا مش بيخلي حد يعرف ايه هي ميوله

و ردا علي كلام الاخ ميدو ميسي
انا شايف ان كل الناس عماله تخوفنا من طب و هي اكيد صعبة لكن مش للدرجة دي
يعني مثلا قبل ما ندخل ثانوية عامة كانوا مصورين لنا انها بعبع و كله بينتحر و الكلام الفاضي ده و في الآخر طلعت اتفه سنة علشان كده اخذت قرار اني اجرب لنفسي و مسمعش لحد

ممممممممم ... مع احترامي بجد بس حتى لو النظام متخلف ايه اللى دخل ده ف رغبتك انك تدخل الكلية ؟؟؟؟ وانت قلتها بنفسك الواحد هو اللى بيستخسر المجموع يعني النظام المتخلف مش بيجبرك تدخل كلية انت مش عايزها ..... انت اللى بتختار وانت اللى بتزاكر وانت اللى بتجيب مجموع ولما تزاكر وتجيب حاجة عالية اوى يبقى العيب عندك انت لما تستخسر و تقول ادخل كلية من اللى بتاخد مجموع عالي مش الكلية اللى انا عايزها .... فكرة انك تزاكر كتير ده المفروض انه ضمان لنفسك عشان تضمن انك تدخل الكلية اللى ف بالك وان مجموعها مايعلاش عليك ^^

وبالنسبة لسؤال لو مدخلتش طب هدخل ايه ف ده سؤال غريب جدا لان في 67686 كلية تانية و ممكن كنت تختار تبقى رياضة او ادبي مش علوم ..... بمعنى ان الكلية ما اتفرضتش عليك انت اللى اخترتها بنفسك