[فيلوفيلو]

انا روحت مدرستى النهاردة الساعة 10ص ولقيت زمايلى كلهم بيشرحو وبيمارسو الشغل عادى وبدأت اقولهم اخبار الاضراب فى المحافظات اللى حوالينا فشجعتهم وفعلا المدير عمل معانا اجتماع الساعة 11 وبدأ يناقش معانا حاجات كتير وبعد ماخلص كلامه قلت له حضرتك كنت معانا فى موضوع الاضراب لغايت يوم الخميس ليه غيرت كلامك والنهاردة عاوزنا نشتغل ليه احنا سلبيين رد على كلامى وقالى فيه جزا جاى للمضربين قلت له انا موافقة دة احنا عملنا كام وقفة ومحدش عمل اعتبار لينا على الرغم ان عددنا كان اكتر من150000 واعتبرونا فئة قليلة طب وبتوع الجامعات اللى عاملين اعتصام وكان عددهم 2000 واحد نزل عصام شرف اتناقش معاهم واحنا ولا حد معبرنا ليه بيجرمو المدرس على الرغم ماحدش جرم الاطباء ولا الصيادلة ولا عمال المترو وعمال البريد والشرطة والاعلاميين والاثرين اللى غيرو وزيرهم ليه هو المعلم ابن البطة السودا لازم الاضراب عشان نبقى ايد واحدة وعشان يعرفو اننا لينا صوت ويحترمونا