اقتباس:
المشاركة الأصلية كتبت بواسطة مسترh
والله مش هكدب عليك يا استاذ محمد
انا نمت ف الخط ومدعتش لاضراب ولو كان حصل اضراب ف معهدى مكنتش هشارك فيه
لاسباب كتير
1- الحكومه انتقاليه وعمرها ما هتحسن اوضاع
2- زى ما حكى من البعض انا لو ليا ابن ف مدرسه ابتدائى وعملوا اضراب وابنى خرج اتعور او معرفش يروح او مكان فيه بلطجه
اخدوا الولد وسرقوا كليته زى ما بنسمع
انا هدخل المدرسه واولع ف اللى يقابلنى من المدرسين اللى عامل اضراب او اللى مش عامل
3- انا سالت نفسى انا قدمت ايه استاهل عليه زياده مرتبى
لاقيت انى قدمت لاشئ
4- انا عارف ان الاضراب قانونى وطالما اقره قانون ف مش حرام
بس مش كل قانون وضعه انسان صح ويتعمل بيه ....
انا باتكلم عن نفسى وبس
وللجميع مطلق الحريه ف الرد دون التجريح
تقبل مرورى |
احتراماتى مستر اتش لكن ممكن ارد على النقاط اللى حضرتك اثرتها وبسرعة، بالنسبة لنقطة ان الحكومة انتقالية فده لا يعفيها من قيامها باعمالها على اكمل وجه واحنا كمدرسين مش عايزين منها شئ جديد او حوافز وحقوق مستحيلة لا المطلوب فقط هو المساواة سواء فى التثبيت زى الناس اللى اتثبتت او الحوافز اللى كل موظفين مصر خدوها بدون كوادر او امتحانات او مطالبات.
وبالنسبة لنقطة ان ابنك يتعور او يحصله مكروه بسبب الاضراب فده شئ بعيد لان الاضراب مش معناه ترك الاولاد فى الشوارع لا دول بيفضلوا داخل المدارس الى نهاية اليوم الدراسى يعنى كانه يوم دراسى عادى لكن بدون شرح واعتقد لحد الان مفيش مكروه حصل لاى تلميذ فى اى مدرسة والحمد لله.
ونقطة انت قدمت ايه يستاهل الاضراب فاعتقد ان حضرتك مش هتقدم اى شئ (حقيقى) للتلاميذ فى الفضل طالما حقوقك مهدرة ومرتبك مهلهل وشايف معظم الناس الموظفين واخده حقوقها الا انت ولو قدمت مجهود حقيقى فمش هيستمر لان مفيش قوة دفع تحثك وتدفعك للاستمرار فما بالك بوجود ظلم واقع عليك ايضا! وفى النهاية حضرتك بتقول ان اى قانون وضعى قابل للخطأ ولنفترض ان قانون الاضراب اللى بيدى الحق فى الاضراب قانون مش مظبوط حضرتك شايف ايه الحل بدون اللجوء للاضرابات؟؟؟