[aleman]

المشاركة الأصلية كتبت بواسطة نور البدور

السلام عليكم ورحمة الله
إزي حضرتك يا أستاذه إيمان ... وحشتيني ؛مش هطول عليكي
زميلة ليه حلمت لي حلم بإن أنا وهي في المسجد وانا دخلت علشان اصلي وهي راحت تتوضأ لكن أنا ضاع مني المصحف الصغير بتاعي واللي المفروض اللي أنا بعلقه في رقبتي وبقرأ منه (وده في الحقيقة مش موجود ) ولما ضاع دخلت المسجد أدور عليه فقابلت السيدة عائشة رضي الله عنها وفضلت تزعق لي وتقولي محافظتيش ليه عليه يا نور ضيعتيه ليه من إيديك فانا قولتلها أنا كنت حطاه على حجري قالتلي المصحف ميطحتش في الحجر وقامت إديتني مصحف كبير في طولي مزخرف بالذهبي وكان ثقيل عليه مش قادرة أشيلة لكن السيدة عائشة قالتلي لأ هتاخديه وتحافظي عليه علشان أنا هاخده منك زي ما هو بعد 30 يوم وزميتلي في الوقت ده كانت خايفة من زعيق السيدة عائشة وقررت أنها تصلي بره المسجد..ثم استيقظت زميلتي من الحلم.

وعليكم السلام ورحمة الله وبركاته
انا الحمد لله يانور وانتى كمان وحشتينى
التفسير العلمى:
المصحف
هو في المنام يعبر بالملك أو بقاضي المسلمين، فمن رأى المصحف قد احترق، فإن ملكاً أو قاضياً يموت.
ومن رأى: معه مصحفاً نال سلطاناً وعلماً، والمصحف زوجة أو زوج أو ولد، وإن كان الرائي مريضاً برئ من مرضه. وربما انتصر على أعدائه، وإن كان عاصياً تاب. وربما ورث، وإن كان الرائي على بدعة وضلالة فقد أنذره الله تعالى بكتابه. وربما دلت رؤية المصحف على الأخبار الغريبة والوقوف على عجائب الأمور، وورود الأخبار السارة، وطول العمر لمن تصفحه. وربما دل المصحف على المروج والرياض والجنان وأماكن العبادة، وعلى من تلزم طاعته كالملك والوالد والأستاذ والمؤدب، وعلى اليمين الصادقة البارة.
ومن رأى: أنه يتقلد مصحفاً فإنه يلي ولاية، أو يقلد أمانة، أو يكون من حملة القرآن.
رؤيا الأشراف
من رأى أحداً منهم لم يكن فيه هيئة نقص فهو خير.
وإن رأى نقصاً فضد ذلك.
ومن رأى: شريفاً فإنه يدل على الشرف للرائي. وقيل رؤية الشرفاء تدل على أكابر الأقوام وأشرافهم.
تفسيرى المتواضع والله اعلم:
الرؤية بتاعت صحبتك دى خير ليكى وليها
رغم انها بتكلفك باشياء كثيرة قد لاتكون فى استطاعتك ولكن السيدة عائشة تعلم انك أدها فأوصتك بها
قد تكونى (او مستقبلا) ستتهاونين فى فرض ما
والرؤية دى بتذكرك بيها
وقد تكون الرؤية اصلا تخص صاحبتك اللى رأتها لكن جاء التأنيب فى شخصك انتى لتنبيهها هى وخصوصا لانها خرجت فى الرؤية من المسجد خوفا من زعيق السيدة عائشة ولم تبقى لتساعدك فى البحث عن المصحف
اعتقد ان ربنا رايد ليكى انتى وصحبتك حفظ القران الكريم كاملا
والله اعلم