كلهم يا استاذ محمد وهقول لحضرتك ازاي
السياسه : السياسه في مصر بتعتمد علي شخص واحد والحاشيه الي حواليه وبتعتمد علي ديموقراطيه صوريه ملهاش لزمه يعني سياسه فاشله علي البلد وعلي الشعب ومفيده علي الرئيس وحاشيته
ام التعليم : والتعليم بتاعنا دا بيعلم الطفل من وهو صغير ازاي يبقي غبي ويحفظ وميشغلش مخه ويحب الريس بتاعه انا سمعت ان لما روسيا طلعت اول قمر للفضاء امريكا غارت منها وفي ساعتها امرت بتغير المناهج من الحضانه لحد الجامعه عشان حست ان بقي في تغير في العصر
انما عندنا احنا لسه بنستعمل المنهج بتاع مش عارف سنة كام وتمنين ولما بيغيروا فيه بيغيروا صفح عشان مش عايزين يكون في حد عنده وعي والا هيفهم ولو فهم يبقي اتخرب بيتهم
الاقتصاد : احنا احسن دوله تبيع منتجاتها باسعار رمزيه احنا اصلا بنصدر الغاز الطبيعي لاسرائيل باقل من ربع تمنه العالمي ومع العلم اننا عندنا مصادر ممكن تخلينا من اغني الدول من قناة السويس ومن غاز طبيعي دا غير اننا عندنا بحرين ونهر يعني زي ما هاني رمزي بييقول الميه بتلات الوان يبقي السؤال بقي ليه مبنستغلش كل مصادر الدخل دي ونحل بيها مشاكلنا او علي الاقل نسدد بيها ديونا
الاداره : انا رآي ان ادارت مصر من احسن الاداره حكومه زي ما محمد صبحي بيقول بتلعب بالبيضه والحجر يعني لو كانت عايزه تنهض بالشعب دا هتنهض بيه ومش هتغلب بس الواقع ان الي حاصلنا دا هو الي مطلوب حاليا
وشكرا لحضرتك يا استاذ محمد علي فتح الموضوع للمناقشه 