[مغترب وبس]

بالنسبة ليك يا استاذ سادات :-
ما مفهومك الشخصي عن الصداقة؟؟
الصداقة شعور متبادل زيو زي الحب المتبادل بالظبط واكتر شوية كمان
هل تعتقد بوجود فرق بين الصاحب والصديق؟؟
اكييييييد الصديق اعلى مرتبة من الصاحب لو نرجع لمعنى كل كلمة كده :-
صاحب من المصاحبة اهو معاك وخلاص ..
صديق انت قلتها من الصدق واعتقد الصدق اهم من المصاحبة ..
وان كان هناك فرق فما هو؟؟
جواب السؤال ده في السؤال الي قبليه معلش انا استعجلت شوية
هل تتخذ اي شخص صديق ام هناك اسس وقواعد لذلك؟؟
اساسي لازم اتخذ اسس " قلي من هم اصدقاؤك اقل لك من انت " ... "واختر صديقك واصطفيه تفاخرا إن القرين إلى المقارن ينسب"
وان كانت هناك اسس وقواعد فما هي؟؟
حاجات كتير اولها الدين طبعا والاخلاق ومادام قلت صديق يبقى لازم تفكيرو يكون قريب مني ميكونش احسن مني بكتير ولا اقل مني بكتير ونكون بنرتاح لبعض
هل تولي ثقتك الكاملة لصديقك ام تعطيه جزء منها؟ولماذا؟؟
بص بديلو كام اختبار الاول وعلى اسسها اشوف اديلو ولا لا ... علشان اتأكد اذا كان صديق او لا
هل هناك عدد معين من الاصدقاء يجب التوقف عنده ؟؟ ولماذا ؟؟
لا مش شرط .... عادي يعني كل ما زاد اصدقاءك زادت الافكار الي هتجيلك لو وقعت في مشكلة فتقدر تحلها اسرع
من برأيك اقرب الصديق ام الاخ ؟؟ ولماذا ؟؟
اعتقد الصديق علشان في حاجات بتتحرج تقولها للاخ
هل تجعل صديقك في اختبار دائم ام تحدد وقت لذلك ؟؟
لا مش على طول طبعا فترة وخلاص
حين تتعرض لخيانة الصديق فعلى من تلقي اللوم عليه ام على نفسك ام على من ؟؟
على الاتنين والاكتر عليا علشان انا الي مخترتش صح يبقى انا الي اتحمل المسؤولية وعلشان كده بقول مش بسهولة تقول ده صديقي قول صاحبي ومن هذا المنطلق مفيش صديق بيخون ساعت ما يخون يبقى ده صاحب وانت الي كنت مفكرو صديق
تغير مفهوم هذه الكلمة في زماننا, وأصبحت هناك صداقة واحدة تسمى صداقة المصالح. لا تتخيل كل الناس ملائكة ... فتنهار أحلامك ... ولا تجعل ثقتك بالناس عمياء ... لأنك ستبكي ذات يوم على سذاجتك !!

مش معاك في الكلمتين الي في الاخر دول خاااالص وردي عليهم زي ما رديت على الموت الاخير