السلام عليكم ورحمه الله وبركاته .
وعليكم السلام ورحمة الله وبركاته
اخوكم هادى من بنى سويف
أهلا وسهلا باش مهندس هادي نورتنا
اولى هندسه ...معهد عالى 6 اكتوبر
تمام ,,,,,,,
يا ريت تقبلونى صديق ليكم هنا
عيب الكلمة دي منعرفكش طبعاً 
لانى بجد حبيت الموضوع وقريته كله ..
الله يخليك يارب تكون استفدت
وعايز اسال ف حاجات كتير بردو ..
يا مسهل يارب أعرف أفيدك
اول حاجه بالنسبه للمعهد وكده عارف ان ممكن ناس تستهتر بيه وتقول كلام فاضى وكده ...بس الحمد لله انا راضى بنصيبى لان هندسه ضاعت منى على مفيش...بس انا كل هدفى انى ابقى مهندس مدنى ناجح ف اى مكان
باذن الله تعالى تكون مهندس مدني ناجح وانا برده مدني باذن الله
(ياريت اى حد من حضراتكم يعرفنى ازاى استفيد من المعهد باقصى درجه وايه سلبياته والفرق بينه وبين الحكومى)...
مفيش فرق الا المصاريف اللي بتدفع (بإختصار كده 
) !!!!
ثانيا الادوات كله بيجيب زى بعضه ولا مدنى مختلف
في اعدادي كله زي بعضه ماعدا المسطرة 100 للمدني والعادي ممكن 80 وعماره 120 عشان اللوح الكبيرة عندهم
لكن انت هات مسطرة 100 سم
وكمان تكاليفها كلها على بعضها ممكن تكون كام ؟..
يعني حسب بئه المكتبة لأن في ماركات معينه واكيد أغلاهم روترينج وأنضفهم المثلث الأرسطو 54 جنيه من سمير وعلي روترينج نضيف وكبير شوية وحلو
وقلم رصاص 0.7 بـ17 جنيه روترينج برده والباقي بئه هيختلف من مكان لتاني ومن ماركة لأخرى
كمان عندى اله حاسبه fx991es ........اجيب غيرها ولا دى كويسه ؟؟..
زي الفل جميلة أوي
كمان عايز اعرف شغل مدنى هيبقى مجاله فين ؟
يعنى ايه الشركات والمناطق اللى بيبقى شغلك فيها ..وكمان سهل ولا لا ؟ وشغله موجود ولا لا؟..
جيت ع الجرح
الشغل ده بتاع ربنا لأنه رزق في الأول وفي الأخر هتتلاقي مثلاً شركات حكومية زي الإسكان وغيره المرتب فيها ماشاء الله (هتشتمني لو قولتلك فبلاش أحسن)
هتشتغل مع مقاول في المنشآت و تطبيق المشاريع (هتستلم لوح مرسومة وتبق انت يا حلو بئه)
وطبعا الحل الأخير وأخر كارت السفر وبيكون برده أول كارت عند بعض الناس 
لغايه كده معنديش اسئله .....بس اتمنى اقصى افاده ف موضوع المعهد ده لانى عايز اتخرج منه زى الطالب الحكومى لو مش اكتر منه
مانا قولتلك ان ده عادي والله ولو انت فرقت معاك الهندسة على حاجه بسيطه فربنا عايز كده ومش هيضيع تعبك وباذن الله تكون ممتاز في كليتك ومتفكرش كتير في كلمة معهد دي
..................شكرا ليكم