[د.عبدالرحمن المنياوي]

المشاركة الأصلية كتبت بواسطة ramy49

اولا: انت ملكش دعوه اذا كنت من الاوائل ولا لأ ياسيد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
ثانيا : انا لا اعطى رايى الا لمن يستحق مين بقه اللى قالك ان انا بعطى رأيى ليك
ثالثا: انتظر الثواب من الله ولما قلت موضوع بشرح ده من باب الضحك مع نفسى على اللى فات
رابعا:انا لا احقد بس بتعجب من ناس بيقولوا هما الاوائل ومش عارفين يثبتوا نفسهم فى العمل الخاص بره عايزين بابا وماما تخلى بالهم منهم وطبعا بابا اللى هى الحكومه مش كفايه التعليم المجانى ..الله يخربيت مجانية التعليم اللى خلاتك تقعد حاطط رجل على رجل اه قبل ما انسى انا تعليم مجانى بس من عيله مكافحه
خامسا: مش عارف اقولك ايه فى موضوع الهبل والعبط اللى انت بتقول عليه غير كل اناء ينضح بما فيه
واخيرا وليس بأخر انت شخص مريض نفسيا ولا يجب الرد عليك بعد ذلك وذلك من باب واعرض عن الجاهلين واذا اردت التأكد من ذلك فانظر الى حالك على صفحات المنتدى فتجد نفسك شويه بتشتم فى الاعضاء اللى بيحطوا اخبار لا توحى بالتفاؤل وشويه تدافع عن الدكتور عبدالرحمن اليس له لسانا يتكلم به ويدافع عن نفسة واكن له كل الاحترام اولا واخيرا حيث اننى لا اعرفه ولكن من رده يتبين بأنه مثالا يحتذى به .

الخيل والليل والبيداء تعرفنى والسيف والرمح والقرطاس والقلم

أخي رامي49 .. بعد التحية .. لازم نعرف كلنا وانت كمان عارف إننا في مرحلة ضيقة وحرجة ومن متطلبات هذه المرحلة أن نتكاتف كلنا ونكون إيد واحدة ماهي الفرقة مش هتتجيب غير تشتيت ونزاع وفشل .. وإحنا الحمد لله قربنا نخلص الحكاية خلاص .. عادي جدا يكون ليك رأي مخالف أو تنتقد شخص معين مهما كان هذا الشخص فهو قابل للنقد ولو هو مش هيقبل ده يبقى طظ فيه ومالوش لزمة ومينفعش يكون من الأوائل أو حتى يكون انسان ناجح .. لأن النجاح والاستمرار فيه يأتي من الخطأ والتعلم من النقد .. بس زي مانا متفق معاك في الحته دي بيتهيألي إنك برضه محتاج تتفق معايا إن من المهم جدا خاصة في هذه المرحلة أن نتخير أسلوب النقد وأن يكون هذا النقد بناَّء ويختم رأيك بما تراه انت من وجهة نظرك لكي تكون نقدت ما لا يعجبك وطرحت الحل ول تسئ لأحد ولم تهاجم أحد ولم تجرح في أحد لأن الهجوم لا يرد عليه إلا بالهجوم وسساعتها هنكون همج مش أوائل أو بالسكوت والتجاهل وبكده يبقى لاحنا اتعلمنا الجديد منك والا انت وصلت وجهة نظرك وأفدت بها غيرك .. أنا عارف إن كل واحد من الأوائل عنده قصة ظلم واحساس عميق بالخنقة لأنه ما أخدتش حقه وانت واحد مننا وعارف كده يبقى زي مانت متضايق غيرك برضه كده .. بس الناس هنا قررت على عدم السكوت واناعاوز كمان تكون واحد من الأبطال اللي قرروا ده واحنا هنا بنرحب بيك طبعا بس لازم تراعي ماسبق زي ما أنا براعيه وكل اللي هنا بيراعوه .. ولنلتزم كلنا بكلام سيد الخلق صلى الله عليه وسلم فليقل خيرا أو ليصمت .. وانت بتفكر كويس وعندك شخصية متميزة وخلفيتك كأحد الأوائل تعطيك التقدم والتميز العلمي ولازم ينعكس ده على ثقافتك لتكون قدوة يحتذى بها في حياة من يحتك بك .. ومن السهل جدا أن أستبدل عباراتي بعبارات أخرى تعطي نفس المعنى وبدون تجريح أو هجوم .. نأمل بأن تكون الرسالة وصلت وأن ينفعنا الله بك وينفعك بنا .. وبالنسبة للدكتور رامي جاما إن كنت لا تعرفه فهو فعلا رجل محترم وأحد أبطال الأزهر في منتداناونحن نعي ذلك ولا نزكي على الله أحد .. ويجب أن يكون شعارنا أن الاختلاف في الرأي لا يفسد للود قضية ..