[lolotamerlovers]

انا بقه طلعت انصح منكو واشتريت لبسي من زمااااان بتاع الكليه من شهر كده ولا حاجة كان عندي احساس اني هتعك العكة دي

وبالنسبه للجروب يامحمد انا انضميت ليه طبعا علشان نعوض النقص اللي عندنا

انا بقى ياسنندس موضوع باباكي اللي قالك مش جاي معاكي وخدي مامتك اوعدك ان بعد ساعة واحده مامتك هتقولك مش هعبرك هي كمان

وبالنسبه للآخ حسيني اللي عمال يوزع في دعوات مع اني مش فاهمه منه حاجة فا وفر الدعاوي لآنك محتاج اللي يدعيلك وياريت لو توزع فلوس عـ الناس علشان يفضلو يدعولك شويه

اما النتسجة بقه وهي الاهم فاانا لسه مكلمة مكتب التنسيق والحلوه ال ايه بتقوللي خلال الاسبوع ده النتيجة هتظهر قولتلها هو

باقي في الاسبوع حاجة اصلا غير بكره قالتلي ممكن النهارده او بكره او حتى الجمعه لسه مش عارفين ومفيش اي معلومات قولتلها

انتو مش عاوزين تريحونا ليه قالتلي ان شاء الله هي اكيد هتظهر خلال اليومين دول وانا مقدرة موقفك علشان النتيجة فعلا اتأخرت .. ربنا عــــ الظالم