[عاشق الفيزيـاء]

المشاركة الأصلية كتبت بواسطة منة25

انا اولي علوم المنصورة ومحتارة بين الاقسام اووي وياريت حد يوضحلي الفرق بين الكميا والكمياء الحيوية من حيث الافضل ومجال العمل المتوفر علشان عايزة استقر علي قسم في الفترة اللي جاية وعرفت ان فيها تحويل في اول فترة في الدراسه
وممكن اعرف الاقسام المزدوجة في الكليه وازاي هتفيدني وقسم كميا وكميا حيوي موجود في اي جامعة

بسم الله الرحمن الرحيم
الفرق بين الكيميا السبيشيل والكيمياء الحيوي من حيث المضمون هوا ان الكيميا السبيشيل فيها كل صغيرة وكبيرة عن الكيمياء ان شاء الله اما الكيمياء الحيوي فهي عبارة عن الكيمياء المتعلقة بالتفاعلات التي تحدث في جسم الانسان
والفرق بينهم من حيث مجال العمل فمجال عمل الكيميا غالبا بيبقى متوفر اكتر من اي قسم تاني
اما عن الفرق بينهم من حيث الافضل فدي فيها خلاف لأن السؤال ده لو اتطرح على جميع الطلبة هنلاقي مختلف الاجابات لان كل طالب او كل واحد بيجاوب حسب وجهة نظره الشخصية
على سبيل المثال وجهة نظي الشخصية هيا ان الكيمياء افضل من الكيميا الحيوي الكلام ده من وجهة نظري الشخصية ومن وجهة نظر اغلب الطلبة
لكن رايي الخاص واللي على اساسه اخترت القسم اللي انا عايزه هوا ان افضل قسم هوا اللي الواحد بيميل ليه يعني انا مثلا بميل لعلوم طبيعية اكتر من بيولوجي تبقا هيا افضل منها حتى لو الناس كلها شايفة ان بيولوجي افضل او حتى لو الناس كلها شايفة ان ممكن تكون علوم طبيعية افضل لكن بيولوجي تبقى افضل بالنسبالي عشان انا علمي علوم لكن مهمنيش كلام الناس لاني شفت ان اللي بميل ليه هوا افضل لي
وعلى هذا الاساس يبقا لو انتي بتميلي لكيميا اكتر تبقا افضل ولو لكيميا حيوي اكتر تبقى افضل
اما ميزة الاقسام المزدوجة فهي ان الواحد يقدر يشتغل في اي منهما يعني مثلا كيميا وكيميا حيوي يشتغل في ده او ده وهكذا
عندنا في ع شمس فيه كذا قسم مزدوج زي كيميا نبات - كيميا حيوان - كيميا حشرات - كيميا ميكروبيولوجي - كيميا كيميا حيوي - حشرات كيميا حيوي - حشرات ميكروبيولوجي - جيولوجيا جيوفيزيا - جيولوجيا كيميا - فيزيا كيميا - فيزيا حاسب - بحتة حاسب - احصا حاسب اما عن باقي الجامعات فمعرفش ايه الاقسام اللي فيها
وبالتوفيق ان شاء الله