اقتباس:
|
الله يطمنك يا فامبير بس برده ممكن شرحه يعجبنى يعنى وحش فايه فهمونى
|
وحش في ان هوا المفروض مايديش سنة اولي .. للأسف هوا دكتور دماغ والله
وفعلا بجد راجل دماغه عالية اوي اوي في المحاسبة .. يعنى بالرغم من انى قرفان منه بس بحترم دماغه اوي
بس مشكلته ان هوا مستواه في الشرح ماينفعش يدي سنة اولي خاااااااالص
لان حتى طريقة شرحه انتى هاتاخدي بالك منها
هاتلاقيه بيخش في حاجات غريبة وبيقول مصطلحات هوا بيتهيأله انك عارفاها
بس في حقيقة الامر هوا مش مدرك ان انتي لسه ماتعرفيش يعنى ايه داين ومدين اصلا !!
وغير كدا امتحاناته بيجيب فيها تريكس كتيرة وعايزة واحد مصحصح ..
والمعظم في سنة اولي بيبقى في البطيــــخ وبيعمل القوايم المالية بالعافية اصلا
فهمتي بقى هوا وحش ليه ؟ انا مش بعيب فيه والله كشخص
بالعكس هوا كشخص بررررررررنس ومش هاتدركي الكلام دا الا اما توصلي لسنة رابعة
لكن فعلا شرحه لا يتوافق تماما مع مستوي سنة اولي
اقتباس:
|
على فكره بقى انا شوفت محاضرات مكتوبه للمحاسبه وفهمتها اه مذكرتهاش لكن فهمتها ولذيذه جدااااا جداااا
|
الفهم غير التطبيق .. انتى اه ممكن تبقى فاهمة حلو اوي واللى هوا خلاص انتى ميه ميه
وتيجي بقى تمسكي الورقة والقلم عشان تعملي قايمة ولا ميزانية .. هاتلاقي نفسك بتقولي ايه القرف دا
وبعدين المحاسبة المالية اول اسبوعين هايبقى فيها رغى كتير ومستهلك
وحاجات كلها نظري ومش هاتنفعك في الامتحان .. الحاجات دي بتنفع في الانترفيوهات بس .. بعدين يعنى
لكن بالنسبالك انتى العملي بيبدأ من قيود اليومية وتحديدا في الفصل الخامس