السلام عليكم ورحمه الله وبركاته
انا والمشكله من فضلكم ياجماعه الى يعرف حل يقول وربنا يجازى خير
انا احترت وحيرنى الزمان 
مشكلتى مع الاحيااااااااء مع ماده الاحياء مش لقيالها حل ابدا
ممكن الى يدخل يقول ايه العبط ده دا الاحياء ماده هبله عبيطه تتذاكر بصباع رجلى الصغير 
لكن بجد انا مش فاهمه حاجه خالص فيها ومش عارفه اذاكرها ازاى وكل لما افتح الكتاب
اتخنق واقفله تانى انا رحت ل 3 مدرسين لغايه دلوقتى وبردوا مش قادره افهمها
ورايحه للمدرسه الرابعه بكره 
فى ناس قالتلى ان فى البلد عندنا هنا مفيش مدرسين احياء كويسين
وخلى بالكم ان عندنا فى بلدنا مفيش غير 4 دول بس الى بيدوا درس احياء 
وناس تانى قالتلى ان العيب مش من المدرسين العيب من الماده نفسها
هى تقيله ووحشه والاحياء مينفعش تتفهم نظرى كدا بالكلام عشان كدا
اغلب الطلبه بيطلعوا من الثانويه العامه وهما حافظين الاحياء مش فاهمين
وناس تالته قالت ان العيب منى انا الى بستهبل ومش عاوزه افتح مخى
بجد تعبت ومش عارفه اعمل ايه الى يعرف ايه الحل ياريت ينصحنى
وربنا يكرمه