[الشاعر العربي]

فى يوم الجمعة الماضية كنت اشاهد القناة الاولى المصرية.... شاهدت احد ما و هو لابس بدلة و مروق نفسه ان شيخ الازهر قرر تثبيت العمالة الموسمية و انه سيتم ارسال الاسماء الى المناطق يوم الاحد 2/10 والله انا سمعت كده.. انتظرت يوم السبت الطويل يفوت و الحمد لله و عند النوم معرفتش انام ياجدعان انا هتثبت بكرة و الاسماء بالمناطق و هترسل بالفاكس هو يعنى ارسالها بالفاكس بياخد وقت ... المهم نمت و صحيت قبل ميعاد المدرسة بالكتر من ساعتين المهم روحت المدرسة و خلصت حصصى بدري بدري و انا عمال اهنىء اخوانى المدرسين و لازم يكون فى مبلغ نعمل اي عزومة محترمه .. خلصت حصصي و جريت على المنطقة علشان اشوف اسمي بالكشوف و للاسف لم اجد اسمي و لم اجد الكشوف و عرفت اني موهوم ومخدوع فى حاجه اسمها الازهر و تاكدت ان الازهر ميعرفشى حاجه اسمها فاكسات و عرفت ان كتير منهم كدابين لان ابو بدلة ده كان بيتكلم بلسان شيخ الازهر... اسف اننى ضيعت وقتى و وقتكم .. اللهم ارحمنا برحمتك فانت خير الراحمين