[همس]

مش عارفة اقول ايه لسا صاحية من النوم ومش عارفة اجمع كلمتين على بعض
بس انا من وجهة نظري ان الكلام في المنتدى قدام الخلق كلهم مش فيه حاجة ( دي مش فتوى ) انا بقول وجهة نظر .. بصوا يا جماعة من الآخر كدا الحلال الي تحس ان قلبك مرتاح ليه ورايح ليه على طول ... والحرام الي بتحس بينك وبين نفسك انك مكسوف من نفسك ومن رب الكون الي خلقك وانتا بتعمله او حتى بمجرد التفكير فيه... لان ربنا سبحانه وتعالى خلقنا على الفطرة
وبعدين ايه حكاية الصداقة دي .. بدون اي تعب او تفكير كلنا عارفين ان العلاقة بين اي ولد وبنت مش اخوات من الاب والام .. بيبقى شكلها ازاي .. قصدي ان ربنا سبحانه وتعالى خلق الطرفين في ما بينهم انجذاب لبعض ( انتوا فاهمين انا عايزة اقول ايه؟ ) .. وبعدين ازاي اصلا تقف تتكلم مع ولد وتضحك وتضرب معاه كف لما يعجبهم حاجة قالوها زي ما بنعمل كلنا مع بعض .. وباي صفة اصلا يبقى اخوها ؟؟ يعني اشمعنى هيبقى اخ في الكلية .. واصلا برا الكلية لما بتشوفهم في البيت بيبقوا مش عايزين يرتبطوا باي حاجة تخص البيت .. لا باخوات بنات ولا اولاد .. بس في الكلية بقى الجدعنة بتظهر والاخوة والشهامة تظهر .. ويتكلم مع البنات اكتر ما بيتكلم مع والدته اساسا ... فعلا في هم يضحك وهم يبكي .. اهو دا بقى الهم الي يضحك صراحة مش عارفة يمكن اكون قلت كلام مش ليه معنى او مش مترابط .. بس انا مش بعرف اوي اعبر عن قصدي او وجهة نظري .. يا ريت تكونوا فهمتوني انا عايزة اقول ومش تهتوا وسط الرغي الكتير دا