07-10-2011, 10:12 PM
|
|
عضو مبتدئ
|
|
تاريخ التسجيل: Dec 2010
المشاركات: 53
معدل تقييم المستوى: 15
|
|
30 سنة كتير
30سنة ياناس كتير يشيبوا الطفل الصغير
ويدفنوا أجيال بحالها ويعملوا المنافق وزير
30 سنة عدوا علينا لا رحنا فيهم ولا حتى جينا
سواء رضينا أو أبينا من إمتى كان ليهم رأي الحمير
ا رحل يا ريس ارحل و سيبنا احنا خلاص زهقنا و تعبنا
خد ولادك وستك وامشي هنكسر وراك 100قلة وزير
من يوم ما جيت ضيعت مالنا خلتنا نشحت علشان عيالنا
ذليت ابونا ووقفت حالنا بقى اغنى واحد فينا فقير
الرحمة حلوة يا ناس سيبوني خلوني اقول و اطلع جنوني
هاتوا يهودي أو ماروني المهم انشوف تغيير
انت و عصابتك مصيتوا دمي قتلتوا ابويا وقتلتوا امي
وفوق الهم زودتوا همي وبقيت للذل والهم أسير
سيادتك و ابنك على راسنا فوق في ايدي قيد ورقبتي طوق
كرهنا صورتك وبكل زوق بنقول فارقنا يا عم الكبير
يوم ما تفارقنا ده يبقى عيد هنغني و نرقص ونفرح أكيد
وبلاش نشوفك ولو من بعيد ولا نسمع صوتك عبر الأثير
30سنة يا ناس كتير 18 / 1 / 2011
|