اولا موضوع جميل جميل جدا وزي ما قال ابراهيم فتح مجال للنقاش ...
اولا انا قريت كل الردود والحمد لله ربنا اداني عمر ووصلت للاخر...
ثانيا ردي هيكون طويل شوية معلش علشان احاول اجمع فيه كل الردود ...
ثالثا اخش في الموضوع بقة ...
بسم الله الرحمن الرحيم
اولا انا مقتنع جدا جدا برأي ارق ملاك
ثانيا الي قال ان البنت لازم تصاحب ولد علشان هو اعقل وهو يقدر ينصحها وهو الي بيحل مشاكلها ومامتها وباباها عرفين ...
اخي واختي الي قلتو كده مين قال لازم معلش يعني انا كنت قاعد في السعودية اهو فترت حياتي كلها من اولى ابتدائي لحد 3 ثانوي
لا صاحبت بنت والحياة كانت جميلة جدا جدا كنت بشكي وبحكي لصديقي كل حاجة وصراحة اول مرة اعرف ان فيه حاجات الولد ميقردش يقولها لولد صاحبو ياريت تقولولي ايه الحاجة دي الي متقدرش تقولها لولد وتقولها لبنت ...
ونفس الشيء البنات هناك لا صاحبو ولاد وبردو الحياتة جميلة جدا ونفس الكلام بيقولو كل حاجة لبعضهم هتقوللولي عرفت منين بكل بساطة اختي ( اختي من بابا وماما اصل انتو بقى ليكو تفاسير عجيبة وغريبة )...
بالنسبة للي في كليات وبيقولو محاضرة ومش عارف ايه
حضراتكو انا في كلية بردو وعارف حضرتك ممكن تاخد المحاضرة من ولد ومتقوليش مش هيديك ومش عارف الكلام الفاضي ده لا لو ده مدهالكش هتلاقي التاني هيديك...
ونفس الكلام للبنت هتلاقي الي تديكي المحاضرة سواء دي او دي او دي ...
هنقول فرضا انكو ملقيتوش ياولاد الا البنات تاخدو منهم المحاضرة ( على اساس كليتك زي كليتي تلتين الدفعة بنات والتلت الولاد كانو غايبين في اليوم ده والعكس بالنسبة للبنت ) حضارتك مينفعش تاخد الورق تروح تصورو وترجع تديلها الورق وخلاص شكرا وبس مينفعش كده ولا لازم تروحو للمكتبة مع بعض ( يمكن خايفة الا حضرتك تطبق على الورق ولا حاجة
) حضرتك احنا عندنا في الكلية بقة مش بنصور بنقف نبعتها لبعض بالبلوتوث ( واحد هيقولي كده علشان ده بيحصل عندي ) طيب مينفعش تقفو ساكتين ولا لازم وانت عاملة ايه طب شوفتي مش عارف ايه وهيا ههههه لا والله اول مرة اعرف ان فلان كذا ... ( علشان محدش يقول مينفعش ) واهو ياسيدي قولها شكرا او انت قوليلي متشكرة وخلصنا ...
طيب بالنسبة للي بيقولو احنا واقفين في الكلية قدام الناس كلها ... سؤال بس امال انتو عاوزين تقفو فين
وايه يعني قدام الناس كلها هو حد سامعكو
هتقولولي اخوات انا رديت على النقطة دي فوق ( ال اخوات ال بلاش نضحك على بعض خليك امين مع نفسك وانتي كمان )
طيب انا سمعت كتير اوي منكو بيقولو ده احنا عارفين اهلها وبنروحلهم البيت ( هههههههه بجدانا ضحكت لما كنت بقرأ كده كده يبقى كمان الاهالي داخلين في الغلط احب اقولك يا صاحبي في ازمة عنوسة في مصر دلوقتي واخر الاحصائيات بتقول ان نسبة البنات للولاد 3-1 او 4 -1 خلي بالك ليكون اهلها بينمرو ولا حاجة
)
طيب في كتير قالو كلام طب في المنتدى وده اخت ارق ملاك ردت عليكو فيه ...
في ناس قالت ده دول انخدعوا طب حضرتك انا كنت في السعودية انخدعت من مين ...
وفي ناس قالت مندخلش الدين في كل حاجة حضرتك امال ندخل الدين في نص حاجة ...
لو الدين مدخلش في كل حاجة امال يبقى اسمو دين ليه يا اخي ويا اختي اتقو الله يا جماعة ...
طب فيه واحد بيسأل بيقول في اوروبا مش لو الاخت ارق ملاك راحت باسلوبها ده مينفعش ؟؟؟
امال انهو اسلوب الي ينفع انها تمشي زيهم وتلبس لبسهم ولا ايه يعني ...
ولا تروح اوروبا وتعلمهم الدين على اسس غلط وتقولهم هو ده الاسلام لازم تكون اساستنا صحيحة علشان العمارة تبقى قوية متقعش زي الي حصل في عمارة لوران كده
طيب انا سامع واحدة بتقولي طب انا بقول لماما على كل حاجة مفيش حاجة مفيش سر صغنن او كبير مش بقولهلها ...
هقولها احسنت يا اختي بس ايه يعني لما تقولي لها كل حاجة والحاجات دي غلط وقلنا ان ده بيبقى خطأ من الاهالى نفسها
اعتقد انا كده طولت اوي ...
ياريت لو فيه حد انا لسه مسمعتش بيقول ايه يقولي تاني علشان ارد عليه ...
...............................
عتابي بقة ليكي يا ارق ملاك انك فعلا متحاملة على الولاد ولم توجهي كلامك للطرفين
اشكرك مرة اخرى على الموضوع
