[مـــــلك]

المشاركة الأصلية كتبت بواسطة سيلفانو

حبها عذبنى تعبنى خلانى عايش محتار
الشوق ليها غلبنى وقلبى بسببها فنار
برقتها بتكسبنى وترجع تسقينى مرار
يعنى ده قلب حاببنى ؟ ولا قلب غدار ؟

رسينى يا حب عمرى
على بر استنى عليه
يا شمس نهارى وقمرى
يا كل اللى حلمت بيه
فرحانه بويلى وسهرى
ولا قلبى خايفة عليه
مش عارف ايه هو قدرى
ومعاكى هوصل لأيه ؟


خايف مالدنيا تاخدنى
ومعرفش ارجعلك تانى
خايف قلبك يبعدنى
وينتهى وياكى زمانى
ولو احاسيسك بترفضى
يبقا خسارة هوانى
ده الكون كان كله حاسدنى
والفرحه ماليه كيانى




متقولى لو عيزانى
واقبلى فيا ظروفى
لكن لو مش قابلانى
خسارة قلقى وخوفى
ولو فعلا مش حسانى
منى ولا شيىء هتشوفى
ولو يوم شوفتك فمكانى
هقفل عيونى بكفوفى



حبها عذبنى تعبنى خلانى عايش محتار
الشوق ليها غلبنى وقلبى بسببها فنار
برقتها بتكسبنى وترجع تسقينى مرار
يعنى ده قلب حاببنى ؟ ولا قلب غدار ؟





بقلمى ::: نور

نور احترامى لك يسبق تقديرى لكلماتك
سأظل دائماً بأنتظار جديدك
دمت بخير