[m-farouk]

ربنا يبارك في بلدنا مصر ويجعلها بلد الأمن والأمان
تحية من قلبى لكل شهيد ضحى بنفسه علشان يدفع الظلم عن كل المظلومين ويرجع حقوق المسلوبين حقوقهم


والله أنا بحب مصر وروحى فداء لبلدي مصر ودخلت الجيش وطلعت بقدوة حسنة

يا شباب كليات التربية المسلوب حقوقهم فين تكلفنا ليه وقفو تكلفنا أكثر من 11 سنة حد يرد عليا بجواب
انا خريج كلية التربية النوعية قسم الإعلام التربوي دور مايو سنة 2000 م أوقفو تكلفنا ورمونا فى الشارع من غير وظيفة حتى الآن لما يقارب 11 سنة والآن أنا متزوج وعندى طفلين وحولت اشتغل فى المجال الخاص لكن العمل غير مجدي وغير مستقر وحياتي مهددة بالخطر


بصراحة أنا برجوا من الله إن كل شاب وفتاه من كليات التربية الذين اوقفو تكلفهم ينضموا معانا ونعمل وقفة احتجاجية سلمية للمطالبة بحقوقنا أسوة بزملائنا من الكليات الأخرى الذين توظفوا بعقود بالمكافأة بعد ثورة 25 يناير

لأن انا حاولت بعد الثورة مباشرة أخذ حقى مثلهم ولكن لم يوافق لى على طلب توظيفي بشهادتى بعد ما ابهدلت من الذهاب للمحافظة وأخذ تأشيرة المحافظ والذهاب لمديرية غرب المنصورة التعليمية ولكن بعد كل هذا المجهود الذى بدأ من شهر مارس 2011 وحتى شهر أكتوبر 2011 وكأنى مربوط فى ساقية والف حولين نفسى



أصبت بحالة من الإحباط
والله إنى أشكو إلى الله ما يحدث لنا من ظلم وإضطهاد من قبل المسئولين في وزارة التربية والتعليم ومن قبل المحافظين منذ اكثر من 11 عام



يا شباب نداء أخير وليس بآخر عايزين نقف وقفة رجالة ونجمع بعضنا ونوحد مطالبنا بإعادة تكلفنا لأنه حق مشروع وبنطالب بيه أسوة بكل من طالب بحقه بعد ثورة 25 يناير


إلا من محافظة الدقهلية ينضم معى وإلا من المحافظات الأخرى يرتب مع من يكون من محافظته



طبعا ممكن حد يقول إن البلد مش ناقصة تظاهر دلوقتى ومش حمل مظاهرات

بس بقولك فكر بعقلك شوية
انته بقالك 11 سنة مرمى في الشارع لا ينظر لشهادتك وسنك اصبح مثلا 33 سنة ومتجوز وعندك عيال وشايل مسئولية ومفيش حد من المسئولين من وزارة التربية والتعليم راضى يشغلك ومفيش وعودات منهم بإن ممكن إحنا نشتغل


يبقى الطريق امامنا مسدود مفيش أمل مفيش وعود منهم بالعمل والسن بيزيد والمسئولية بتزيد


لذا أطالب بعمل وقفة احتجاجية سلمية امام مبنى محافظة الدقهلية للمطالبة بإعادة تكلفنا فورا



وإن قالوا إن ميزانية الدولة لا تسمح بذلك فعندى حل جميل جدا ومريح للكل


الحل هو

إعادة تكلفنا مباشرة فى هذه السنة بدون أجر إلى ان تسمح ميزانية الدولة ويوضع لنا أجر ، نحن ممكن نصبر ولا نأخذ مال ولكن لا نصبر على أن يضيع حقنا فى التكليف.