[محمدبدران النجدي]

كلنا نلاحظ مدى التدهور في مستوى التلاميذ
هو اصلا المناهج في الصف الاول الابتدائي والثاني والثالث لزمتها ايه انا رأيي ان الوزارة تسيب المرحلة دي في ايد المدرس طوال الثلاث سنوات يعطي للتلميذ الي هو عاوزة ونحاسب المدرس في نهاية الصف الثالث الابتدائي على مستوى التلاميذ في القراءة والاملاء والجمع والطرح وجدول الضرب ولازم كل التلاميذ تكون جيدة فيما سبق لان الحساب هيكون عسير
احنا مش محتاجين في الصف الرابع من التلميذ اكتر من اجادته للقراءة والاملاء والجمع والطرح وجدول الضرب وبفضل الله كفيلين بجعل التلاميذ متفوقين ان شاء الله وملوش لازمه الحشو الزائد اللي بيلهي المعلم عن تعليم التلاميذ بطريقه صحيحة

وجميعنا يرى كم المعلومات الرهيب الموجود بمناهج التعليم الابتدائي التى ينوء بحملها الجبال الشاهقة فما بالكم بالاطفال لقد اصبح التعليم شاقا جدا ونضغط على الاطفال في المذاكرة حتى كرهوا التعليم وكرهونا قبله

ارجو من المسئولين العباقرة النظر في المناهج وتخفيضها لتتناسب مع امكانات التلاميذ واعمارهم والخطة الزمنية او سيادتهم يورونا هيدرسوها ازاي وهيفهموا التلاميذ كلهم ازاي