مش مهم ...!!
مش مهم أيه بيحصل مش مهم أيه يكون
المهم تلقى حبك ليل جميل من غير غيوم
حاول تبقى أنت أنت وأوعى أبدا يوم تكون
شخص يائس من حياته تلعب بأماله الظنون
مش مهم أيه بيحصل مش مهم أيه يكون
شوف حياتك زهره ناديه تملى قلبك بالسرور
وأحيى أملك جوه منك وأهزم بالحب الشجون
وأوعى حزنك يوم يهزك ويملى بالدمع العيون
مش مهم أيه بيحصل مش مهم أيه يكون
خلى حبك صوته يعلى أعلى من صوتالهموم
وطير وحلق ويا حلمك وسط أجرام النجوم
جايز بكره يبقى أحلى والحياه يبقلها لون
مش مهم أيه بيحصل مش مهم أيه يكون