[LoOoLy El Treikawya]

المشاركة الأصلية كتبت بواسطة engi11

ياترى عملت ايه من دول وانت صغير
1_تغنى ادام المروحه وهى شغاله
2_شميت رائحه الاستيكه ولقتها عامله زى الفراوله اكلتها
3_تقفل باب الثلاجه ببطا عشان تعرف مين بيطفى النور
4_كنت عطشان اوى فى رمضان ودخلت الحمام تشرب
5_ترج زجاجه البيبسى وتفتحها تستحمى بيها
ياريت تردوا بصراحه وانا فى انتظراركم
وانا كنت برج زجاجه البيبسى واستحمى بيها كنت بعمل كده كتيير
ورمضاان كريم

هههههههه التوبيك دة جمييل وضحكنى اووى بجد لانه فكرنى بحاجات كانت بالنسالى طقوس لازم اعملها

اولا كنت اقعد فترات طويلة اغنى قدام المروحة واجرب اغنى من قدامها ومن وراها واشوف الفرق فى الصوت

وكنت بردو بقفل بابا التلاجة ببطء وافتحها وافضل افتح واقفل لحد ما ماما تزعقلى

ههههه لا لما كنت ببقى عطشانة فى رمضان كنت اروح اتوضأ عشان اصلى واعمل قال يعنى عبيطة ونسيت شوية مية فى بقى بعد ما بمضمض .. بس كنت صغيرة يعنى

والبيبسى بقى كنت انا واخواتى مش بنحب نرج احنا بعد ما بنفتحها نحط عليها سكر عشان تفوووور ونتفرج عليها لما تغرق الدنيا ويا سلام لما نعمل كدة بعد ما نحط البيبسى على السفن على الميرندا

شكرا على التوبيك الجميييييل