السلام عليكم ورحمة الله وبركاته
بسم الله الرحمن الرحيم
في البدايه اقولك ازيك يا اسلام ونرد بس علي الكلمه اللي انت بتقولها
واكيد المشرف ده انا وده استنتاج منطقي عشان بتقول
اذن فالكلام موجه ليا بنسبه كبيرة
وحتي لو مش ليا هعتبره ليا وارد عليك
بالنسبه لاني بدخل كل يوم فدي معلومه غلط انا مبدخلش كل يوم واول ما دخلت النهارده لقيتك باعتلي لينك الموضوع ده
والايام اللي دخلت فيها هيا الاربع والخميس ودلوقتي
والايام اللي دخلت فيها اللي عملته اني رديت علي موضوع واحد بس ده لو حضرتك بحثت عن المشاركات اللي اتعملت خلال الايام اللي دخلتها هتلاقيها كلها في موضوع واحد وهو موضوع
اقتباس:
|
الصداقة بين الولد والبنت ؟
|
وموضوع تاني
اقتباس:
|
سؤال جرئ فكروا فيه قبل ما تجابوا
|
ده اللي انا عملته
ثانيا : اي موضوع تاني انت حاطه دلوقتي انا مشوفتهوش حتي لان انا عندي بيتضاف جنب الصفحات امر بيخليني اشوف الصفحات القديمه بدون الصفحات الجديدة ومش بشوفها غير لما اعمل ريفرش عشان اشوف الموضوعات الجديدة او الصفحات اللي زادت
ثالثا : لو انا كنت شوفت الحاجات دي يبقي اكيد كنت هنقلها اظن مش صعبه اني احددها وانزل اعمل نقل من خيارات المشرف
رابعا : فيه مواضيع مكرره فعلا بس تم فتح النقاش فيها تاني وتم فتح آفاق جديدة في المناقشه في الوقت ده مقدرش احذفه حتي لو مكرر
الفكرة قديمه بس الردود جديدة احذفه بناءا علي ايه
وبعدين قبل كل ده لازم اسأل نفسي الموضوع ده هدفه ايه
نشر الخير
خلاص ياسيدي الخير ينتشر بأي طريقه ويتقال بأي طريقه المهم في الآخر انه يوصل
ده بالنسبه لموضوع " الصداقه بين البنت والولد "
وبعدين لو كان ردك انك قتلت الموضوع القديم
يبقي حضرتك متثبتليش ان كل همك النقد وبس وانك تطلع الاخطاء والعيوب بس
لاء انت يبقي ليك دور تتفضل علينا وتساعدنا وتقوم منشط القديم
بحيث يااما ندمجه يااما نشوف فيه صرفه
اذن يبقي انت بتطلع العيوب بس
ده بالنسبه لاعتراضك ان الموضوع يتم فتحه بطريقه تانيه
خامسا : زيزو عمل حاجة كويسه جدا قبل كدا ... كان باعتلي لينكات موضوعات وبيقولي مفروض يحصل فيها ايه .. قولتله ده انت كدا المشرف .. احترمته بصراحة .. مش هعمل موضوع وقعد ينقد بس .. مش بقولك اعمل زيه .. بس لما يكون فيه مشكلة ومش عجباك تدي حل مناسب ومش بس كدا تساعد علي تنفيذ الحل ..
سادسا : هقولك شكرا لتعاونك وبالنسبه للموضوعات المكرره هسيبها مكرره لحد ما الاقي النسخه الاولي بتاعتها
واللي عايز يتنقل هنقله عادي
شكرا
