احسن نظام تعليم بصراحة هو النظام الى فى اليابان
التعليم اجبارى فيه لحد المرحلة المتوسطة و اجبارى بمعنى لازم تبقى متعلم غصب
و بعد كده انت حر تخش الثانوى و كلية بعده مش تابعة للدولة يعنى تعليم خاص و قبل ما تدخل الكلية بيتعملك اختبار للقدرات زى الثانوية العامة كده
النظام ده خدم اليابان فى حاجتين 1- وفر ايدى عاملة 2 - وفر ناس متخرجة من جامعات و معاهد
او نظام تعليم امريكا التعليم العالى خاص فيه و تقريبا الدرجات بتبقى على طول فترة التعليم (مش متأكد)
بس امتحان القدرات على فكرة مهوش بالجمال ده لان مفيش امتحان هيعرف يكتشف ميول الطلاب لان المصريين كلهم ميولهم يبقوا (مهندسين طيران - مهندسين بترول - مهندسين - دكاترة ( اى حاجة بس بلاش بيطرى مش عارف ليه ) )
احنا لحد دلوقتى مينفعش معانا غير نظام الثانوية العامة ممكن بايخ بس مفيش فعلا حاجة تانية هتنفع غيره و علشان نشوف حاجة تانية لازم المجتمع العقلية المسيطرة عليه تتغير (كل واحد ليه دور فى المجتمع مفيش واحد ينفع يستغنى عن التانى )
بس برضه نظام التعليم العالى عندنا فيه ميزة جامدة ممكن هى الوحيدة : انه مجانى
فادى فرصة اكبر للناس انها تخش جامعات و كدة و طلع برضه ناس كويسة كتير
و لو فى فعلا امتحان قدرات زى كليات الفنون انا واثق ان حتى الناس الى تستحق تخش الكلية ممكن متدخلهاش علشان ما اتوفقش فى الامتحان
فانا فى رايى ان احنا لحد دولقتى مش وحشين بس برضة مش كويسين بس احنا لو فعلا عايزين نعمل نهضة فلا بد من اصلاح التعليم
و التعليم مش هيتصلح الا لما احنا الطلبة اكتر ناس اضرينا منه نحاول نغيره علشان مفيش حد متضرر منه قد الطلبة
و على فكرة احسن حاجة تعملها دلوقتى انك تذاكر تذاكر جامد علشان حتى لو محققتش الى انت عاوزة يبقى يكفينى جدا شرف المحاولة و علشان هى دى الحاجة الوحيدة الى فى ايدى اقدر ارضى ربنا بيها مش جايز مثلا حد فينا يبقى وزير التعليم و يعمل حاجة ؟
معلش هو رد طويل شويتين بس ده كانو كلمتين فى دماغى
و شكرا
|