انا معلمة الحاسب الآلي و متضررة من اجازة يوم السبت لاني بقية الاسبوع نصيبي الحصص الثامنة و التاسعة و يقلص وقت الحصة لعشر دقائق فقط و غالبا لا ادخلها بالمرة
لانه خلاص الساعة و المعهد كله روح و مفيش الا انا و بيمشوني!!
فيه فصول ما اخدوش و لا حصة كمبيوتر واحدة من اول السنة
ايه فايدتي انا بقى شغلوني في الازهر ليه عشان اقعد العب سوليتير طول اليوم!!
و ايه الاستخفاف بالكمبيوتر امال تطوير التعليم ازاى !!
و ليه الكمبيوتر مش بيضاف للمجموع و لا له امتحان
هو معنى ازهرى ان الواحد يبقى حافظ قرآن و حديث انما جاهل بوسائل التكنولوجيا الحديثة؟!
و الا مسئولين الازهر بيعتمدوا على ان الطلاب بيتعلموا عل الكمبيوترات في بيوتهم!! امال مشغلين مدرسين كمبيوتر و بيدوهم مرتب ليه!!
انا بصراحة افكر جديا في عدم تجديد عقدي مع الازهر نهاية هذا العام و حشتغل مدربة حاسب في اى مركز كمبيوتر..قال ازهر قال
