الاخوه الذين يتناقشون فى مواضيع الضم وخلافه أساسا ومعذره فى اللفظ حتى تناقش موضوع لابد وان تكون ملم بكل شيئ عن هذا الموضوع ثم تناقش يعنى مثلا انا ممكن اناقش مشكله الاصابه بمرض معين وانتشاره وانا غير ملم بما هو سبب هذه المشكله
الاخوه الكرام رحم الله مشايخنا الكبار اللى مش عاجبينكم وتتندروا عليهم بدايه بالشيخ عبد الحليم محمود والشيخ بيصار والشيخ جاد الحق والشيخ طنطاوى رحمهم الله جميعا ورحم امه محمد اجمعين... مشايخنا يا حضرات الساده المثقفين أوى ارادو توسيع رقعه الازهر فكان فى كل اربع مراكز معهد واحد..... مثال انا كنت فى الثانويه الازهريه سنه 1980 بمعهد الشيخ محمود عنبر بمدينه طهطا هذا المعهد كان به4000 طالب ويخدم مراكز طما وطهطا وجهينه والمراغه بكل قراهم ونجوعهم هل تتخيلون الان حضراتكم القريه الواحده فى هذه المراكز القريه الواحده بها معهدين ابتدائى واخر اعدادى بنين واخر فتيات ورابع ثانوى بنين واخر فتيات ثانوى كل ذلك بفعل الضم الاف المعاهد انشئت وتم ضم الاف العمال والاف المدرسين وفتحت مئات الاف من البيوت وهذا هو الهدف الاساسى يا ساده من عمليه الضم اللى مش عاجبه الساده الخبراء من المتعاقدين..... وبعدين يا سيدى انت تعاقدت مع منظومه المفروض انك عارف نظامها وشروطها لو كانت مش عجباك يا معالى الخبير محدش ارغمك على انك اجبارى لازم تتعاقد مع الجماعه الجهله المتخلفين دول..... طيب ما كنت اتعاقدت مع بتوع التربيه والتعليم وانت هتلاقى ناس بتفهم وتمسك هناك خبير اكتوارى تعيد تنظيم منظومه التعليم فى هذه المؤسسات وسيبك من الجماعه المتعبين دول بتوع الازهر....والله كلام يغيظ من ورائه مخطط فعلى الهدف منه معروف ومررنا به قبل ذلك والمعاهد اخوتى شغاله وفيها ناس على مستوى عالى من حفظ القران الكريم وناس بتدخل طب وهندسه وناس بتتعين خبراء فى جميع الهيئات وبتثبت وجودها ولو حضرتك عايز اسماء اذكر ليك
بالله عليكم اتقوا الله فى الازهر وكل واحد فينا يهتم بعيبه ويدعه من عيوب الناس عليك بنفسك والله لو كل واحد فينا اهتم بنفسه ايه اوجه التقصير عنده وحاول اصلاحه لتحسن حالنا ....... هوه الازهر مين انا وانت والتانى والتالت والرابع سيبك من غيرك وعليكم أنفسكم لايضركم من ضل اذا اهتديتم... سوف ينصلح حالنا باذن الله... اما كل واحد فينا ينصب من نفسه خبير وينتقد غيره وهو من اكثر الناس عيوبا..... هذا هو العيب
ادعو الله ان يصلح حالنا وان يعافينا من عيوبنا وان يشغلنا بعيوبنا عن عيوب الناس امين امين امين تقبلوا تحياتى والى الملتقى
|