استنهض همتك دى أعظم أيام عنده فعظمها .
{ ومن يعظم شعائر الله فإنها من تقوى القلوب }
ليه ياشباب الكلام ده بياخد عندكم على طول رد فعل سلبي
( يووه ياشيخ ، أنت شايف احنا مش عارفين نقاوم المعاصي مش عارفين نغض ابصارنا ، وأنت قاعد تقول كان فلان يصنع ويفعل ويكسر الدنيا )
طب ماهى مش هتتحل الا كده
مش هتتحل الا بقفذة ،، بطفرة ايمانية كده
انك تاخد خمس ست سبع خطوات في الطريق الاول
الحتة دى تفتح معنا اول المشاريع الايمانية
أنك مش عارف ايه اللى فاتك ، وأنت قاعد هنا وضاع منك الحج ؟
أنا هقولكم حديثين وكفاية أوى يقولوا كل حاجة
حديث رواه ابو يعلى وابن حبان وصححهالالبانى
يقول الله في الحديث القدسي :-
" إن عبدا اصححت له جسمه ووسعت عليه في معيشته تمضي عليه خمسة أعوام لا يفد إلى لمحروم "
اللى تعدى عليه خمس سنين وهو قادر على أنه يحج وما حجش محروووووم
عايز تعرف محرروم من إيه ؟
اسمع بقى الحديث الثانى :-
هذا الحديث رواه البزار وصححه الالبانى
القصة ان اثنين دخلوا على النبي ( صلى الله عزوجل )
فالنبي صلى الله عليه وسلم قالوهم أقولكم أنتم جايين تسألوا في أيه ، ولا تقولوا انتم ؟
هما بصوا لبعض فقالوا :- لا قول أنت .
قالوهم :- أنتم جئتم تسألونى لما الواحد يخرج من بيته ويصل إلى بيت الله الحرام دى ثوابها أيه ؟
والركعتين اللى بعد الطواف دول ثوابهم ايه ؟
والسعى بين الصفا والمروة دول ثوابهم ايه ؟
والوقوف بعرفة دول ثوابهم ايه ؟
(( أعمال الحج دول ثوابهم أيه ...؟؟؟))
اول حاجة قالها :-" فإنك فإذا خرجت من بيتك تؤم البيت الحرام ، لاتضع ناقتك خفا ولاترفعه الا كتب الله لك به حسنة ، ومحا عنك خطيئة "
المسافة من هنا من القاهرة لغاية مكة 1400 كم أو 1500 كم
اضرب بقى ده كله وفضل الله واسع
واحد هياخده بطائرة ، واحد هيالخدها بأتوبيس واحد هياخدها بدخرة ، المهم من هنا المسافة دى كلها تتحسبلك انت مليارات الحسنات بمجرد خروجك بس .
ثانى حاجة :- الركعتين اللى تصليهم بعد الطواف ، تطوف بالبيت سبع أشواط ، وبعدين تصلى ركعتين خلف مقام ابراهيم
لو عملت الحاجتين دول تكتبلك ايه ؟؟
تكون سبب إن شاء الله في عتقك من النار .
يبقى أنت تقربت بأعظم القرابين ، كده 71 رقبة
يعنى 71 محاولة للعتق من النيران .
4- وبعدين وقوفك عشية عرفة :-
ربنا سبحانه وتعالى يباهى بكم الملائكة
أتونى من كل فج عميق يرجون جنتى فلو كانت ذنوبكم كعدد الرمل أو كقطر المطر أو كزبد البحرلغفرتها
واحد يأتى بذنوب الدنيا ... خلاص تمحى .
الحديث رواه ابن المبارك وصححه الالبانى في صحيح الترغيب
انا قولته في محاضرة حج بقلبك
والله العظيم تكتب بماء الذهب وتنقش على القلوب
يقول :- وتحملت عنه متبِعات .
اصل اعظم مصيبة يوم القيامة حقوق العباد
اللى بيحصل إن أنت ربنا سبحانه وتعالى يحاسبك على أعمالك ، وبعد كده تتجاوز الصراط
فيه قنطرة بقى كده اللى بيقتص فيها - بين الجنة والنار -
انت في يوم الايام كنت ماشي مع اختى ،، حقى لوثت عرضى
انت اغتبتنى في ظهرى وقلت على ، حقى
لو كان ابوك لو كان اقرب الاقربين منك ما هيعطف عنك
هياخد حسناتك عشان يبلغ بيها الجنة
حتى لو كانت حسناته هو هيدخل بيها الجنة
هياخد حسناتك او تشيل انت بقى سيائته
يبقى اللى فاته الحج محرووم ولا لا ؟؟
ياشباب النبي صلى الله عليه وسلم في الحديث قال :-
فده الدرس الاول الذى يجب ان نقف عنده كويس جداا
وبعد كده التلات ايام الاخرين كل يوم 21
النبي يقول :- لك بكل حصاة رميتها تكفير كبيرة من الموبقات ،، هى بقى دى الغيبة والنميمة
واللى والعياذ بالله وقع في يوم من الايام في جاهيلياته في زنا ولا المصائب الكبيرة دى تُكفر
كل حصاة كبيرة من الموبقات
6-بعد كده لما يجى يدبح الهدى قال ده بقى مدخر لك عند ربك
فيه جائزة خاصة مستنياك لما تقابل ربنا ان شاء الله
7-طب لما تحلق قال " واما حلاقك راسك فلك بكل شعرة حلقتها حسنة وتمحى عنك بها خطيئة "
8- وفي الاخر خالص تطوف بقى طواف الافاضة اللى هو طواف الحج
قال " وأما طوافك بالبيت بعد ذلك فإنك تطوف ولاذنب لك فيأتى ملك حتى يضع يديه بين كتفيك فيقول اعمل فيما تستقبل فقد غفر الله لك ما مضى "
يلا ياعم دى أول حاجة هتتكتبلك في صحيفة الاعمال ، وهى بيضاء ناصعة مافيهاش أى حاجة
هيكتبلك الاعمال العظيمة دى كلها
يبقى فاتنا ياشباب ولا مافتناش؟؟
طيب نعمل ايه بقى ؟؟؟؟
أول واجب وأول مشروع حج بقلبك
عايزك من اول يوم واحد ذى الحجة الدعاء ده مايفارقش لسانك
< اللهم قد حبسنا العذر فلا تحرمنا الاجر>
النبي صلى الله عليه وسلم في الحديث الذى رواه البخارى قال :-
" إن اقواما بالمدينة خلفنا ، ما سلكنا شعبا ولا واديا إلا وهم معنا حبسهم العذر "
كانوا عايزين يجاهدوا بس معندهمش الامكانيات التى تمكنهم من الغزو مع النبي صلى الله عليه وسلم
يمكن احنا بنقعد نذكر بعض باعمال اخرى مثل القيام والصيام وكذا ، وبننسى المعنى ده
مهم أوى مفيش يوم ياشباب يعدى عليك من غير ما تتخيل ده
انا عايزك بقى تحج بقلبك ازاى ؟
بيجيبوا بقى برامج وتسمع بقى في اذاعة القران وشرايط وحاجات كلها عن اعمال الحج ، ايه الحج ده ؟
تقعد انت تسمع وتعيش معاهم المناسك بقلبكإذا كان هما بيطوفوا حولين البيت ، قلبك هنا بيطوف هنا
فمتشغلش نفسك في ايام العشر بأى حاجة من أيام الدنيا .
هما بيسعوا ، وأنت كمان هتسعى .
هما بيهرولوا، وأنت كمان هتهرول.
أنت كمان هتقول: وعجلت إليك ربي لترضى .
هما هيقفوا على عرفات ، وأنت كمان محتاج تاخد من عرفات المعرفة
عايز الايام دى تعرف فيها ربنا كويس
{ وإذا سألك عبادى عنى فأنى قريب }
عايز اعرفك يارب، ارفع ايديك وادعيه
هتعرف كرمه ورحمته ونعمته فضفضله واكلم معاه وادعيه
اسجد سجدة وطلع كل اللى جواك
هى دى عرفات :- عرفات المعرفة .
مزدلفة جاية من كلمة زلفى ،الزلفى دى معناها القربى
فتفكر هنا على طول وهما بيقولوا وهما ياجماعة رايحين دلوقتى يباتوا في مزدلفة ، تفتكر على طول من تقرب الى شبرا تقربت اليه ذراعا ، فتبقى عايز تتقربله شويه
اتقربله بطاعة ، اعمل اى حاجة في الوقت ده
الوقت ده اللى بيبقى هو ليلة العيد
هيجوا هما بعد كده ، يتوجهوا لمنى يرموا الجمار ،
أنت محتاج تطلع بقى حاجات من قلبك قد كده زى الحصى اللى هما بيطلعوه ويرموا بيه
تطلع بقى تعلق بدنيا ترجم شيطان الهوى
جاى اعلمك ايه انك في الوقت ده تكثر من الاستعاذة بالله
لاسيما من شر الشيطان من همزهه ونفخه ونفثه
حيحلق شعره كانه بيقوله الدنيا تحت رجليه بس انت ترضى
تتعلمها انت دى :- تطلق الدنيا ثلاثا .
عشان تفوزوا بأعظم جائزة في العشر .. حج بقلبك .
ياسلام تيجى أنت يوم القيامة
وانت كنت قاعد في مصر ومكتوب لك ثوابه
أصلك كنت حبسك العذر وكان نفسك فكتبتلك الاجر ده
مشروعنا الثانى :- عايزاك تعمل أعمال توازى الحج
ما أنت بقى حاسس قد ايه اتحرمت من الحج
ايه الحاجات التى توازى ثوابها ثواب الحج
1- الجلوس بعد الفجر حتى شروق الشمس:-
يقول النبي ( صلى الله عليه وسلم )
" من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كاجر حجة وعمرة تامة تامة تامة"
يبقى ياشباب واجب عملى العشر أيام مفهومش تهاون أبدا في الجلسة دى
تصلى الفجر ونقعد لغاية الشروق
2- شدة الحرص على صلاة الجماعة :-
لان النبي صلى الله عليه وسلم قال :-
من مشى إلى صلاة مكتوبة في الجماعة فهى كحجة
ومن مشى إلى صلاة تطوع فهى كعمرة نافلة "
ممكن انت كده مثلا خلصت شغلك ورحت المسجد وصليت السنة أو في شغلك وروحت قبل الظهر بتلت ساعة تصلى الضحى قبل ما يدخل وقت الكراهة
خروجك عشان تصلى الضحى ده ثوابه عمره .
هما التسبيح 33 والحمد 33 والتهليل 33
لان النبي صلى الله عليه وسلم لما جاء الفقراء اليه وقالوا :- ذهب اهل الدثور ( الاغنياء) بالدرجات العلى
يصلون كما نصلى ويصمون كما يصمون ولهم فضل من أموال يحجون بها ويعتمرون ويجاهدون ويتصدقون .
قال :- " الا أحدثكم بأمر إن اخذتم به أدركتم من سبقكم ولم يدركم أحد بعدكم وكنتم خير من أنتم بين ظهرانيه الا من عمل مثله تسبحون وتحمدون وتكبرون خلف كل صلاة ثلاثا وثلاثين "
ففيها المعنى ده انه هيبقى اعظم من ثواب الحج والعمرة
فإذا كنت مستشعر أن فاتك كتير هو ده التعويض