بس ليا سؤال صغير بس
شاب ميعرفش عن الاسلام غير الاسم فقط - معظم الطبقات الارستقراطيه -
وان في البطاقه اتكتب -قهرا وجبرا- مسلم
وهو عايز يبقي مسلم
حاسس ان الاسلام دين حق بس عايز حاجة تقنعه
قعد قدام الشيخ يعقوب :
لاء ده مش متوافق مع فكري .. مش فاهمه ..
قعد قدام الشيخ حسان :
لاء ده مش قابله معرفش ليه والكلام اللي بيقولهولي ده انا حاسس انه صح بس مش مقتنع
قرا او سمع ابو اسحاق الحويني :
لالالالالالا ايه ده وانا هفهم ده يعني .. ده انا مبعرفش اصلي
- ملحوظة الكلام ده اتقال من كذا شاب اعرفهم -
- عشان محدش يطلع يكفرني -
:D
يبقي الحل ايه
هشبهلك الحكايه دي كلها بمثال
واحد عايز اعلمه اللغة العربية
ابدأ معاه منين
اقعد اشرحله ألفيه بن مالك - لعمرو بن هشام - تقريبا
ولا اقعد اكلمه في الفروق اللغوية - لأبو هلال العسكري - تقريبا
ولا اقعد اشرحله البلاغه الواضحه - لعلي الجارم ومصطفي أمين - تقريبا
- ان لم تخونني ذاكرتي في اسماء مؤلفي الكتب والكتب نفسها -
ولا اجبله واحد يعلمه ألف باء وعشان بعض الحروف صعبه علمه بعض الحروف نطقها غلط
ولما الراجل ده بقي يقرا وشد في اللغة راح قرا ازاي تقرا الحروف وطلع بعض اللي اتعلمه غلط
انا بستعجب هنا لما يهاجمه بكل المقاييس
لان اللي علمك تقرا الجمل اللي في الكتاب ازاي تنطق الحروف وتعرف ان الاولاني غلط
هو الشخص الاول ده
تعرفوا انا بفرح اوي ان شاب كان مقتنع بعمرو خالد ويجي يقول يااااه ده كان قايل حديث ضعيف
دي فعلا بدايه الطريق للإيمان
المهم اننا مننساش الفضل لله ثم للشخص اللي حط رجلينا علي طريق الهدايه
شكرا
وياريت ياجماعه .. بالله عليكم ..
ان محدش ياخد جزئيه واحده ويبدأ يسفسط عليا
وياريت محدش ياخد الجمله الاخيرة علي انها اهانه
ولو اخدها اهانه انا اسف
شكرا للجميع
وشكرا ليك انت يامحمد علي بدايتك النقاش الجميل ده
في النهايه عايز اقول حاجة
انا مش بفتي
بس الحمدلله مش بقبل اي حاجة مش عقليه ومش منطقيه ولو قريتها مش هتفيدني
انا بقول عن حياتي انا وشخصيتي انا وتفكيري
مش بطلب من حد انه يقتنع بكلامي
دي مجرد وجهه نظري انا
وبتعبر عن فكري انا
السلام عليكم
" اللهم صلي علي سيدنا محمد .. وعلي آل سيدنا محمد "
" سبحان الله وبحمده سبحان الله العظيم "
"سبحانك اللهم وبحمدك, أشهد أن لا إله إلا أنت, أستغفرك وأتوب إليك"